“Aketi Na Nan Daram-Dam”: Hoton Gwamna Akeredolu Daga Gadon Asibiti Ya Bayyana

• Da alama Gwamna Rotimi Akeredolu na jihar Ondo ya fara farfadowa daga halin rashin lafiya bayan wani bidiyo da hotonsa sun bayyana a ranar Juma'a, 21 ga watan Yuli
• A yayin cikarsa shekaru 67 a duniya, matarsa, Betty Anyanwu-Akeredolu, ta saki hotonsu tare a wani asibitin kasar waje
• Hoton shine karo na farko da gwamnan ke bayyana a soshiyal midiya tun bayan da ya mika ragamar shugabanci ga mataimakinsa tare da tafiyarsa jinya a watan Yuni

Matar gwamnan jihar Ondo, Misis Betty Anyanwu-Akeredolu, ta saki hoton farko na mijinta da ke fama da rashin lafiya, Gwamna Rotimi Akeredolu a sakon murnar zagayowar ranar haihuwarsa karo na 67.

Kamar yadda Legit.ng ta gani a Facebook, matar gwamnan na Ondo ta wallafa hoton ne a ranar Juma'a, 21 ga watan Yuli tare da taken, "Aketi na nan daram-dam! Nasara a garemu!"

Kara karanta wannan

Hawaye Sun Kwaranya Yayin da Fitaccen Basarake Mai Daraja a Najeriya Ya Mutu a Asibiti

Wannan shine karo na farko da ake ganin gwamnan wanda ke fama da rashin lafiya a soshiyal midiya tun bayan da ya mika harkokin shugabanci ga mataimakinsa, Lucky Aiyedatiwa, a watan Yuni kafin ya tafi jinya.

Kamar yadda jaridar yanar gizo na SaharaReporters ta rahoto,Akeredolu ya tafi kasar waje jinya sakamakon cutar kansar jini (leukaemia).

An kuma tattaro cewa gwamnan bai iya sa hannu a takardun ba kafin barinsa kasar zuwa jinya saboda yanayin rashin lafiyarsa.

Yanayin da yake ciki ya kuma yi sanadiyar haramta wayoyi a kusa da shi domin hana yada hotunan rashin lafiyarsa a kan intanet.

Gwamnan Rikon Kwarya Na Jihar Ondo Ya Yi Karin Haske Kan Rashin Lafiyar Gwamna Akerdolu

A gefe guda, Legit.ng ta kawo a baya cewa Lucky Orimisan Aiyedatiwa, gwamnan riƙon ƙwarya na jihar Ondo a ranar Talata, 11 ga watan Yuli, ya bayyana cewa ana yaɗa ƙarya da ƙarairayi kan haƙiƙanin halin rashin lafiyar da gwamna Rotimi Akeredolu yake ciki.

Kara karanta wannan

Yan Sanda Sun Tsare Wani Matashi Dan Kwaya Da Ake Zargin Ya Shake Wuyan Mahaifiyarsa Har Lahira

Legit.ng ta rahoto cewa Aiyedatiwa ya zama madadin gwamnan ne bayan ya tafi neman magani a ƙasar waje.

Da yake magana kan rashin lafiyar gwamnan, Aiyedatiwa ya bayyana cewa ya tattauna da Akeredolu a ranar Lahadi, 9 ga watan Yuli.

Asali: Legit.ng