"Ku Mika Wuya Ko Mu Tura Ku Lahira" Rundunar Soji Ta Aike da Sako Ga Yan Bindiga

• Rundunar sojin Najeriya ta buƙaci yan ta'adda da yan bindigan daji su gaggauta fitowa daga dazuka su miƙa wuya
• Kwamandan dakarun sashi na 8 a Sakkwato, Manjo Janar Godwin Mutkut, ya ce ba zasu tsaya zaman sulhu da 'yan bindiga ba musamman a Arewa
• Ya ce sojoji zasu ci gaba da kai samame maɓoyar 'yan ta'adda suna murƙushe su matuƙar ba su aje makami ba

Zamfara - Rundunar sojin ƙasan Najeriya ta yi kira ga 'yan ta'adda da 'yan bindigan jeji musamman a shiyyar Arewa maso Yamma su gaggauta miƙa wuya tun da wuri.

Rundunar sojin ta jaddada cewa ba bu zancen zama teburin sulhu da gurɓatattun mutanen da su ka zama barazana ga zaman lafiya a ƙasar nan.

Babban kwamandan rundunar sojin sashi na 8 a hukumar soji, Manjo Janar Godwin Mutkut ne ya bayyana haka ga 'yan jarida a Gusau, babban birnin Zamfara.

Kara karanta wannan

Dubu Ta Cika, An Kama Wani Mai Hannu a Kazamin Harin da Aka Kai Wa Babban Malami a Najeriya

Channels tv ta rahoto cewa jim kaɗa bayan kaddamar ofishin RMS a sansanin dakarun sojin Birged ta 1, kwamandan ya ce:

"Babu wanda ya tattauna da su gabanin su shiga jeji amma yanzu da suka ga luguden wuta na ɗai-ɗai ta su shi ne suke neman a tattauna, ni ba zan kira haka tattauna wa ba, su fito kawai su miƙa wuya."

"Batun tattauna wa wani makirci ne kawai kuma an jaraba a baya abun be daɗi ba, sabida haka don me za a sake maimaita wannan kurkuren?"

Kwamandan ya ƙara da cewa Sojoji ba zasu yi ƙasa a guiwa ba a ci gaba da ƙoƙarin kakkaɓe yan ta'adda daga shiyyar Arewa ta Yamma baki ɗaya.

Wane shiri Sojoji ke yi wa yan ta'adda?

Ya jaddada cewa rundunar soji ba zata tattauna da 'yan bindiga ba, maimakon haka zata farauce su har inda suke ɓuya ta tura su zuwa lahira.

Kara karanta wannan

Miji Da Mata Sun Yi Basajar Shiga Musulunci Yayin Da Suka Tafkawa Liman Sata a Yobe

Ya ce matuƙar 'yan bindiga suna son tsira daga hannun dakarun soji, zabi ɗaya gare su, su fito daga cikin inda suka ɓuya su miƙa wuya.

A cewarsa, duk da yanayin daminar da ake ciki, Sojoji sun ci gaba da shiga yankuna masu haɗari kamar Shinkafi, Zurmi, Tsafe, Ɗansadau a Zamfara suna ragargazan yan bindiga.

Gwamna Sani Ya Fara Yunkurin Dawo Da Zaman Lafiya Kaduna, Ya Gana Da Hafsoshin Tsaro 3

A wani labarin kuma Gwamna Uba Sani ya gana da manyan hafsoshin tsaro 3 a shirinsa na haɗa hannu da hukumomin tsaro don tabbatar da tsaro a Kaduna.

Uba ya sha alwashin cewa gwamnatinsa zata bai wa hukumomin tsaro haɗin kai da goyon baya a ƙoƙarinsu na kare rayuka da dukiyoyin al'umma.

Asali: Legit.ng