Sojoji Sun Sheke ’Yan Ta’adda 5 Da Ke Shirin Tsallakowa Najeriya Daga Kamaru, Bayanai Sun Fito
- Rundunar sojin Najeria ta yi nasarar bindige wasu ‘yan ta’adda biyar da ke shirin tsallakowa kasar daga Kamaru
- Sabon daraktan yada labarai na rundunar, Manjo Janar ES Buba shi ya tabbatar da haka ga ‘yan jaridu a Abuja
- Ya ce an kashe ‘yan ta’addan Boko Haram da ISWAP bayan samun bayanan sirri daga jama’ar yankin
DUBA NAN: Bibiyi shafin Legit.ng Hausa a kafar TikTok. Kada ka bari bidiyo mai daukar hankali ya wuce ka!
Jihar Borno - Rundunar sojin Najeriya ta 'Operation Hadin Kai' a Arewa maso Gabashin Najeriya ta hallaka 'yan ta'addan Boko Haram da ISWAP da suke kokarin shigowa Najeriya daga Kamaru.
Sabon daraktan yada labarai na rundunar tsaro, Manjo Janar ES Buba shi ya bayyana haka a hedikwatar tsaro da ke Abuja, Daily Trust ta tattaro.
Asali: Twitter
Kamar yadda wata majiya daga rundunar ta ce, an kashe ‘yan ta’addan su biyar bayan samun bayanan sirri inda suka kai farmaki akan hanyar Bula Yobe-Darel Jamel dake karamar hukumar Bama a jihar Borno.
An samu muggan makamai a wurin 'yan ta'addan
Buba wanda ya samu wakilcin mataimakinsa, Birgediya Janar Abdullahi Ibrahim ya fadawa ‘yan jaridu cewa an samu muggan makamai da sauran abubuwa a tare da ‘yan ta’addan.
DUBA: Bibiyemu a Instagram don samun labarai masu muhimmanci kai tsaye cikin manhajar
Har ila yau, ya ce an kwace buhun fulawa da sinadarin wanki inda ya ce masu ba su bayanan sirri ma an kama su yayin farmakin.
Ya ce:
“Rundunar sojin Najeria ta ‘Operation Hadin Kai’ a Arewa maso Gabashin Najeriya ta kara kaimi wurin dakile harin ‘yan ta’adda da masu ba su bayanai.
Ya ce rundunar ta yi ajalin 'yan ta'addan biyar a iyakar Najeriya
Ya kara da cewa:
“A kokarin haka, rundunar ta a ranar 22 ga watan Yuni bayan samun bayanan sirri na cewa ‘yan ta’adda na shirin tsallakowa Najeriya daga Kamaru, sun kai farmaki a kan hanyar Bula Yobe-Darel Jamel a karamar hukumar Bama ta jihar Borno.
Kara karanta wannan
Dakarun Sojin Sama Sun Murkushe Mayakan ISWAP Masu Yawan Gaske a Wata Jihar Arewa
“Yayin artabun, rundunar ta kashE ‘yan ta’adda biyar tare da nasarar kwace buhun fulawa daya da sinadarin wanki.”
Ya kara da cewa akalla ‘yan ta’adda 967 ne wadanda suka hada da mata 82 da maza 354 da kuma yara 531 suka tuba tare da ajiye makamansu ga rundunar a wurare daban-daban.
Sojin Sama Sun Kashe Yan Ta’addan ISWAP Masu Yawan Gaske A Borno
A wani labarin, rundunar sojin sama sun hallaka 'yan ta'adda da dama a wani farmaki da suka kai Marte da ke jihar Borno.
Rundunar ta yi yayyafin wuta ne akan 'yan ta'addan da suka addabi mutanen yankin da kai hare-hare ba kakkautawa.
Asali: Legit.ng
