Bayan Rasuwar Dansa Kwanan Nan, Gwamna Sule Na Nasarawa Ya Sake Asarar Rau, Kaninsa Ya Rasu

• Yanzu muke samun labarin rasuwar kanin gwamnan jihar Nasarawa, Abdullahi A. Sule na jam’iyyar APC mai mulki
• An ruwaito yadda a watan Janairu Alllah ya dauke ran dan gwamnan bayan wata gajeriyar jinyan da ya yi a asibiti
• Najeriya ta yi rashin dan wasan

Jihar Nasarawa - Gwamnan jihar Nasarawa, Abdullahi Sule ya yi babban rashin kaninsa, Labaran Sule a karshen makon nan.

An ruwaito daga tushe cewa, kanin gwamnan na APC mai ci ya rasu ne sanyin safiyar ranar Asabar 20 ga watan Mayu.

Musa Barau, wani daga cikin hadiman gwamnan ne ya tabbatar da mutuwar kanin nasa a shafin Facebook, rahoton Daily Trust.

Yaushe kanin gwamnan ya rasu

A cewar Barau, an yi jana’izar mamacin ne a ranar ta Asabar da yamma a kofar mai martani sarkin Gudi ta Akwanga a jihar.

Kara karanta wannan

Da Dumi-Dumi: Hawaye, Bakin Ciki Yayin Da Wanda Ya Kafa FCMB Ya Rasu, Bayanai Sun Fito

A cewar sanarwar da ta fito daga hannun Barau:

“Cikin bakin ciki muke sanar daku mutuwar kanin mai girma gwamna Engr. Abdullahi A. Sule, gwamnan jihar Nasarawa, Labaran Sule.

“An yi taron jana’izarsa a a kofar mai martaba sarkin Gudi, a karamar hukumar Akwanga. Allah ya jikansa da rahama ya bashi Aljannar Firdausi, Ameen ya rabbi.”

Allah ya yiwa dan gwamna rasuwa

Mutuwar kanin gwamnan na zuwa ne watanni kadan bayan da Allah ya dauki ran dansa, Hassan Sule, wanda ya rasu a ranar 26 ga watan Janairun bana bayan wata gajeruwar jinya.

Ya rasu yana da shekaru 36 a duniya, kamar yadda rahotannin da muka samo suka bayyana a baya, rahoton Daily Nigerian.

A wancan lokacin, jama’a da dama a Najeriya ne suka mika sakon ta’aziyya ga gwamnan na APC da ya samu damar komawa mulki a karo na biyu.

Kara karanta wannan

Cikakken Bayani: Kwankwaso Ya Yi Magana Mai Jan Hankali Kan Ganawar da Ya Yi da Bola Tinubu a Faransa

Allah ya yiwa basarake mafi dadewa a Najeriya rasuwa

A wani labarin, kun ji yadda rahotanni suka ba da labarin mutuwar wani basaraken Najeriya da aka ce ya fi kowa dadewa a kan karagar mulki a masarautun gargajiyar kasar.

Allah ta dauke Joseph Davies-Agba ne bayan da ya yi rashin lafiyar da ta kai shi ga madakata a wannan shekarar.

Basaraken ya kasance mahaifin wani daga cikin jiga-jigan ‘yan siyasar Najeriya masu fada a ji ta bangarori da dama.

Asali: Legit.ng