EFCC Ta Kama Daliban Jami'a 19 Bisa Zargin Damfara Ta Intanet

• Jami'an hukumar EFCC sun yi ram dalibai 19 na jami'ar jihar Akwa Ibom kan tuhumar aikata laifin zamba a Intanet
• A wata sanarwa da EFCC ta fitar ranar Talata, ta ce an kama waɗanda ake zargin ne a ɗakin kwanan ɗalibai ranar Jumu'a
• Bayan kwace na'urori masu kwakwalwa da wayoyi a hannunsu, EFCC ta ce zata maka su a Kotu bayan gama bincike

Akwa Ibom - Hukumar yaƙi da masu yi wa tattalin arzikin ƙasa zagon ƙasa (EFCC) ta kama ɗalibai 19 na jami'ar jihar Akwa Ibom bisa zarginsu da aikata laifuka a Intanet.

EFCC ta bayyana haka a wata sanarwa da ta wallafa a shafinta na Tuwita ranar Talata, ta ce ta kama waɗanda ake zargi ranar Jumu'a 28 ga watan Afrilu, 2023.

Hukumar ta bayyana cewa dakarunta sun damƙe ɗaliban da ke karatu a ɗakunan kwanansu da ke Ikot Akpadem a ƙaramar hukumar Mkpat-Enin, jihar Akwa Ibom.

Kara karanta wannan

To Fa: Kwamishinan Zaben Adamawa Ya Ƙara Shiga Sabon Tasku Kan Ayyana Aishatu Binani

Wane laifi ake tuhumar ɗaliban da aikatawa a Intanet?

A sanarwan da ta wallafa, EFCC ta ce:

"Jami'an EFCC na reshen Uyo, babban birnin Akwa Ibom sun damƙe ɗaliban jami'a da ke karatunsu a jami'ar jihar Akwa Ibom ranar Jumu'a 28 ga watan Afrilu, 2023 bisa zargin aikata laifukan intanet."

"Mun kama daliban ne bayan watanni ana sa ido kan zargin hannunsu a damfara, mu'amalar kudaɗen intanet watau Crypto na ƙarya da kuma Sojan gona."

"Zamu gurfanar da su a gaban Kotu da zaran jami'ai sun kammala duk wani bincike kan zarge-zargen da ake musu."

Abubuwa da aka kwato a hannun ɗaliban

Hukumar EFCC ta bayyana irin abubuwan da ta kwace daga hannun ɗaliban wanda suka haɗa da na'ura mai kwakwalwa da kuma wayoyin hannu.

A wani labarin kuma Daliban Najeriya Da Motarsu Ta Kama Da Wuta Sun Isa Tashar Jirgin Ruwan Sudan

Kara karanta wannan

Nasara Daga Allah: Bayan Shakaru 9, Sojojin Najeriya Sun Ƙara Samun Babbar Nasara a Borno

Idan baku manta ba mun kawo yadda wasu yan Najeriya suka gamu da matsala a hanyarsu ta zuwar tashar jirgin ruwan Sudan, inda za'a kwaso su zuwa gida.

Akalla mutun 10 suka kwana a wurin amma tuni suka ci gaba da tafiya, zuwa yanzu an ce sun isa tashar jirgin ruwa.

Asali: Legit.ng