Hotuna Sun Bayyana Yayin Da Mai Kula Da Tsaron Lafiyar Zababben Shugaban Kasa Tinubu Ya Kama Aiki
- A shirye shiryen bikin rantsuwa ranar 29 ga Mayu, zababben shugaban kasa, Bola Ahmed Tinubu ya zabi Laftanar Kanar Nurudeen Alowonle Yusuf a matsayin babban mai tsaronsa (ADC)
- Yusuf, da ne ga Oba Yusuf Omokanye Oyekanmi, Elomona na Illemona da ke karamar hukumar Oyun a Jihar Kwara
- Abin birgewa, ranar Litinin, 1 ga watan Mayu, Laftanar Yusuf ya kama aiki, a matsayin sabon mai tsaron lafiyar zababben shugaban kasa, Tinubu
Laftanar Kanar Nurudeen Alowonle Yusuf, dan basarake, Oba Yusuf Omokanye Oyekanmi, Elomona na Illemona a karamar hukumar Oyun da ke Jihar Kwara, ya kama aiki a matsayin sabon mai tsaron lafiyar zababben shugaban kasa, Asiwaju Bola Ahmed Tinubu.
Jaridar Daily Trust a ranar Litinin, 1 ga watan Mayu, ta ruwaito cewa Yusuf ya kama sabon aikinsa mako uku kafin bikin rantsar da shugaba mai jiran gado, karkashin jam'iyyar APC mai mulki.
Asali: Twitter
DUBA: Shigo shafin Legit.ng na manhajar Legit.ng na Telegram! Kada ka bari komai ya wuce ka
Sabon ADC ga Tinubu Kanar Yusuf ya kama aiki
Yariman haifaffen Kwara an ruwaito yana aiki a fadar shugaban kasa kafin nadin na shi.
Wata majiya ta ruwaito cewa sabon ADC din ya taba riki wani babban makami a lokacin mulkin tsohon shugaba Jonathan, rahoton Vanguard ma ya tabbatar da haka.
Wannan na nufin Yusuf zai yi aiki da kwarewarsa da sanin makamar aiki don gudanar da sabon aikinsa.
Buhari ya bayyana dalilin da ya sa Tinubu ya kada Atiku, Obi, da sauransu
A gefe guda, shugaba Buhari ya bayyana dalilin da ya sa Jami'yyun adawa suka sha kaye a hannun jami'yyar APC.
Buhari, a wani sako da ya fitar ya bayyana Atiku Abubakar da Peter Obi, yan takarar PDP da LP, wanda su ne manyan yan adawa, a matsayin wanda suka cika zumudi.
Shugaban ya bayyana lokacin zabe cewa, jam'iyyar APC na aiki tukuru don cigaba da mulki, su kuma jam'iyyun adawa suna yaudarar kansu da zumudi.
Asali: Legit.ng
