“Ba Za Mu Rabu Ba”: Ma’aurata Sun Ki Karbar Shawara Bayan Sun Gano Suna Da Alaka Ta Jini

• Wasu ma'aurata da suka shafe tsawon shekaru 17 da aure sun gano suna da alaka bayan matar ta yi gwaji kuma mutane sun basu shawarar rabuwa
• A rahoton, matashiyar ta bayyana cewa suna da yara uku tare kuma basu taba sanin su yan uwa bane sai bayan shekaru 17 da aure
• Wannan abu da suka gano ya sa sun yi fice bayan matar ta sanar da labarin a TikTok amma kuma ya ja masu suka

Wani miji da mata da suka shafe tsawon shekaru 17 suna rayuwa tare sun gano cewa suna da alaka ta jini.

Dailymail ya rahoto cewa ma'auratan sun yi soyayya na watanni hudu kacal kafin suka shiga daga ciki.

Celina Quinones, matar, ta yi gwajin kwayoyin halitta wato DNA kuma ta haka ne ta gano gaskiya game da tarihin ahlinsu.

Kara karanta wannan

Kyakkyawar Mata Mai Mazaje 2 Ta Magantu Kan Yadda Ta Hadu Da Mijinta Na Biyu

Kalamanta:

"Yara uku kenan a cikin haka ne na gano cewa muna da alaka. Na yi gwajin kwayoyin halittana wato DNA ina ganin a 2016 kuma kwarai da gaske akwai ban mamaki saboda na ce 'masoyi' muna da alaka shin ya kamata mu kasance tare? Wannan abun mamaki ne. Ba zan sauya shi saboda duniya ba...danuwamiji da mata har abada! Akwai dalilin da yasa ma'aurata ke kama da juna. Ina nan ina wayar da kai."

Jama'a sun soke su

An rahoto cewa Celina da mijinta sun sha caccaka sosai daga mutane bayan sun sanar da duniya cewa suna da alaka ta jini amma ba za su rabu ba.

Mutane da dama sun ba su shawarar cewa ya kamata su raba auren amma sun bayyana cewa sun rigada sun yanke shawara.

Celina ta dage cewa auren zai ci gaba saboda sun zuba jari sosai a ciki na tsawon shekaru 17.

Kara karanta wannan

Ido Zai Raina Fata, EFCC Ta Gama Shirin Kama Gwamnonin Jihohin da Za Su Bar Ofis

Ta ce:

"Sai na rabu da shi saboda bamu sani ba. Kawai sai na fadawa yaranmu cewa iyayensu basa tare kuma saboda ra'ayin wasu mutane. A'a nagode za mu kasance yan uwa masu tsayawa tare, ma'aurata kuma masoya har abada. Yanzu ku je ku tsoma bakinsu a wasu abubuwan."

Uba ya shayar da dansa ta hanyar yi masa wayo

A wani labarin, wani uba ya kirkiro dabarar shayar da dansa bayan matarsa kuma mahaifiyar yaron ta fita.

Mutumin dai ya nemo hoton fuskar matar tasa sannan ya daura a nashi tare da manna fidan madaran yaron a kirjinsa ka ce nono yake shayar da shi.

Asali: Legit.ng