Mutum 24 Sun Mutu Yayin Da Wata Babban Mota Da Ta Tashi Daga Zaria Zuwa Legas Ta Yi Haɗari

• Wani mummunan hadarin mota ya yi sanadin salwantar rayukan mutane 24 a Jihar Niger
• Hadarin da ya auku da daren Litinin da ya rutsa da wata babbar motar daukar kaya dauke da fasinja daga Zaria zuwa Lagos dauke da mutane 87
• Hukumar kiyaye hadura ta kasa ta tabbatar da faruwar lamarin tare da shaida cewa an kwashe wanda su ka jikkata zuwa asibiti yayin da aka ajiye gawarwakin a dakin adana gawa na Kutigi

Jihar Niger - Wani hadarin mota ya yi sanadin salwantar rayuka 24 da daren Litinin 27 ga watan Maris a karamar hukumar Lavun da ke Jihar Niger, rahoton The Punch.

Babban motar da ke dauke da fasinjojin tana kan hanyarta na zuwa Legas ne daga Zaria kuma akwai mutane 87 a cikinta.

Kara karanta wannan

A shirye nake: Zababben gwamnan Katsina ya fadi abin da zai a ranar da ya karbi mulki

Babban kwamandan shiyya na Jihar Niger a Hukumar Kiyaye Hadura ta Kasa, FRSC, Kumar Tsukwan, shi ne ya bayyana haka a rahoton masaniyar farko na hadari ya kuma bawa wakilin majiyarmu, hadarin ya faru a kauyen Etsu Woro.

''Fasinja 24 da ke tahowa daga Zaria zuwa Lagos sun mutu a hadarin da ya hada da babbar mota dauke da fasinja 87 a kauyen Etsu Woro da ke karamar hukumar Lavun a Jihar Niger," in ji shi.

Adadin mutanen da ke cikin motar

Tsukwan ya ce akwai maza 17, mata hudu da kananan yara 4 sun mutu a babbar motar Lone Sino a hadarin tare da karin 45 da su ka ji rauni daban-daban aka garzaya da su asibiti don karbar magani.

Ya kara da cewa an kai gawarwakin zuwa dakin ajiye gawa.

Ya ce:

Kara karanta wannan

A kalla Rayuka 11 ne Suka Salwanta a Wasu Hadururruka Daban-Daban a Niger

''An kwashe wanda abin ya shafa daga wajen da hadarin ya faru zuwa babban asibitin Kutigi don karbar magani yayin da aka ajiye gawarwakin a dakin adana gawa na Kutigi.''

Hatsarin mota ya yi sanadin rasa rayyuka biyu a jihar Jigawa

A wani rahoton mai kama da wannan kun ji cewa wasu mutane biyu sun rasu a wani hadarin mota da ya afkuw a hanyar Jahun zuwa Kiyawa a Jihar Jigawa.

Adamu Shehu, mai magana da yawun hukumar tsaro ta NSCDC na jihar Jigawa ya tabbatar da hakan a ranar Juma'a.

Asali: Legit.ng