Bauchi: ‘Yan Bindiga Sun Halaka Rayuka 5, Sun Sace Mutum 1

• Miyagun ‘yan ta’adda sun kai hari kauyen Gambar Sabon Layi da ke Tafawa Balewa a jihar Bauchi inda suka tafka barna
• Mazauna yankin sun sanar da yadda suka dinga harbi tare da saka tsoro a zukatan jama’a kafin su aiwatar da mugun nufinsu
• Sun halaka wani shugaban yanki tare da wasu mutum hudu yayin da suka yi garkuwa da wani Daniel a yankin

Bauchi - ‘Yan bindiga sun kutsa yankin Gambar Sabon Layi da ke karamar hukumar Tafawa Balewa da ke Bauchi inda suka halaka a kalla mutane biyar.

Sun yi garkuwa da mutum daya a farmakin da suka kai inda suka bar mazauna wurin cikin rudani.

Jaridar Punch ta gano daga mazauna yankin da suka bukaci a boye sunansu cewa, ‘yan bindiga sun dira yankin a daren Asabar tare da harbi babu kakkautawa a iska wanda hakan ya tsorata jama’a kafin su aikata mugun abun.

Kara karanta wannan

Da Duminsa: Sabuwar Kungiyar ‘Yan Ta’adda Ta Bullo a Kudu, Sun Gindaya Sharadi Kafin Su Bari ayi Zabe

Yace miyagun sun yi garuwa da wani Daniel tare da halaka shugaban yankin da wasu mutum hudu.

Wani mazaunin yankin mai suna Manasseh Danladi, ya tabbatar da faruwar lamarin.

Yace:

“Eh lamarin ya faru da gaske. A ranar Asabar, wasu mutane sun zo kauyenmu inda suka halaka kawuna da wasu mutum hudu yayin da suka tasa keyar Daniel.”

Karin bayani na tafe…

Asali: Legit.ng