Uwargida Ta Siyawa Mai Gida Mota Kirar Ferraru, Martaninsa Ya Ba Jama’a Mamaki

• Wata mata ta nuna kauna da don mijinta ya ji dadi yayin da ta yi murnar zagayowar ranar haihuwarsa ta wani salo mai ban mamaki
• A wani bidiyon da aka yada a TikTok, an ga lokacin da matar ke damkawa mijinta mota kirar Ferrari, lamarin da ya jawo cece-kuce
• Martanin da mijin ya yi ba yawo rabuwar kai a TikTok, wasu sun bayyana ra'ayinsu kan yadda mijin ya amshi kyautar

An yi ta cece-kuce yayin da wani bidiyo ya nuna yadda mata ta ba mijinta kyautar mota kirar Ferrari.

A bidiyon da Pweedy Mum Boiz ya yada a TikTok, an ga lokacin da matar ta dauki zagayowar ranar haihuwar mijinta da muhimmanci, ta kuma taya shi murna.

An yada bidiyon ne a ranar 18 ga watan Nuwamba, kuma ya nuna yadda aka zo da mijin idonsa a rufe, sai kuma aka bude idonsa ya ga abin mamaki.

Kara karanta wannan

Na Fasa: Ana Gab Da Daurin Aure, Ango Yace Ya Fasa Bayan Gano Amaryar Na Da 'Yaya 2

Abokai da masu fatan alheri sun taru don shaida wannan rana, ga kuma mai busa algaita a gefe na yi don kara wa bikin armashi.

Amma dai mijin bai iya soyayya ba

Sai dai, wasu 'yan TikTok sun nuna damuwa kan abin da mijin ya yi a gaban jama'a duk da basu babbar kyauta irin wannan.

A cewarsu, ya ki ya nuna farin ciki duk da kuwa ya ga an bashi galleliyar mota. Don haka suka ce bai iya soyayya ba.

Kalli bidiyon:

Martanin jama'a

@user8938827520189 yace:

"Wow abin sha'awa, a kasa ta muna yiwa maza ba zata ne da gwajin juna biyu."

@Ka-dee tace:

"Aiki mai yawwa amma babu wadataccen nuna jin dadi."

@pat Ben yace:

"Amma dai wannan mutumin bai iya soyayya soyayya ba ko kadan. Haka kawai ya bata min rai"

Kara karanta wannan

Hoton ‘dan Najeriya Ya Kai $500k Banki Domin Adanawa ya Ba Jama’a Mamaki

@great.nicole2017 yace:

"Kawai ya tuna kudadensa da aka sace ne a dakin kwana, lol."

@Kamp2Sene yace:

"Ina da ta cewa da yawa, amma babu ruwa na."

@P.I. yace:

"Ita kadai ne take nuna annashuwa...zuciyarta ne. Kyakkyawar mata ce. Allah yasa kada ta taba ganin wata mace tare da shi a Ferrarin."

Ba wannan ne karon farko da mata ke yiwa maza kyautar mota ba, an sha samun irin wadannan lokuta masu ban annashuwa a baya.

Asali: Legit.ng