Ya Guje Mu Saboda Baya Son Tagwaye: Bidiyon Sauyawar Wata Mata Da Yan Biyunta Ya Ba Da Mamaki

• Bidiyon wata kyakkyawar mata da tagwayen yan matanta ya yadu a shafukan soshiyal midiya bayan ta saki hotunansu na da da yanzu
• Rubutun da bidiyon ke dauke da shi ya nuna cewa mahaifin yaran ya guje su saboda baya kaunar tagwaye
• Sai dai kuma sun ce a yanzu da rayuwarsu ta sauya yana neman su dawo gare shi amma sun yi masa nisa

Najeriya - Jama’a sun tofa albarkacin bakunansu bayan sun yi arba da bidiyon wata mata da kyawawan yan matanta biyu a shafukan soshiyal midiya.

Bidiyon na kunshe da hotunan matar da yan tagwayenta lokacin suna kanana da kuma bayan sun girma sun zama cikakkun yan mata.

A cikin bidiyon wanda shafin yaran mai suna twinz_love ya wallafa a Instagram, sun rubuta cewa mahaifinsu ya guje su saboda baya son tagwaye wanda hakan ke nufin mahaifiyarsu ita daya tayi fadi tashi a kansu har suka zama mutane.

Kara karanta wannan

Bidiyo: Yadda Magidanci Yayi Sadaukarwa, Ya Tura Matarsa Turai, Ya Zauna a Gida Uganda

Har ila yau an hasko inda suka zama manyan mata wanda kallon su kadai zai nuna maka suna cikin jin dadin rayuwa, sannan a kasan hoton an rubuta cewa a yanzu yana so su dawo gare shi.

Ta rubuta:

“Ya barmu saboda baya son tagwaye. Yanzu yana so mu dawo gare shi lol.”

Kalli bidiyon a kasa:

Jama’a sun yi martani

Tuni jama’a suka cike sashin sharhi don bayyana ra’ayoyinsu yayin da suka jinjinawa matar a kan wannan kokari da tayi da yaran nata. Ga wasu daga cikin martanin a kasa:

iamtrinityguy ya yi martani:

"Alhamdulila robilhalamin ❤️❤️❤️"

monalisa.stephen ta ce:

"Kada ku karbe shi fa ."

froshteefah ta ce:

"Allah abun godiya❤️."

doubledstwins ya ce:

"Allah ne mafi girma ."

Ya Rabu Dani Saboda Muni: Hotunan Sauyawar Wata Budurwa Shekaru Bayan Saurayi Ya Guje Ta Ya Ba Da Mamaki

Kara karanta wannan

Matar Aure Ta Haifi Yan 4 Bayan Shekaru 7 Tana Jiran Tsammani, Bidiyon Ya Dauki Hankali

A wani labarin, mun ji cewa wani saurayi na nan yana danasani a yanzu. Hakan ya samo asali ne bayan bidiyon sauyawar wata budurwa da ya watsar saboda “muni” sun yadu a soshiyal midiya kuma ta birge mutane da dama.

Wata mai amfani da dandalin TikTok Dorothy Cornelius @dorothycorneliusa ta je shafinta don yada hotunanta, wanda ke nuna yadda kamanninta suke a shekarun baya da kuma yadda take a yanzu.

Ta yi rubutu kamar haka a jikin bidiyon: “Ya yi watsi da ni saboda ina da muni, mai kama da namiji, da kuma hayaniya.”

Asali: Legit.ng