Haduwar TikTok: Bidiyon Baturiya Da Ta Baro Kasarta Don Kasancewa Da Wani Kyakkyawan Saurayi, Ta Haifa Masa Da

• Wasu masoya biyu sun ba da labarin yadda suka hadu a soshiyal midiya sannan suka yanke shawarar auren junansu daga baya
• Da yake bayanin yadda suka hadu a wani dan gajeren bidiyo, matashin mai suna Dammy ya ce ya hadu da abokiyar rayuwarsa Laura a TikTok
• Laura, Kyakkyawar sahibarsa Baturiya ta ce ta garzayo kasar don haduwa da masoyinta bayan soyayyarsu ta yi karfi kuma yanzu tana da yaro

Ivory Coast - Wani soyayya da aka fara kamar wasa a dandalin TikTok ya yi karfi har ya kai ga aure.

Dammy, wani matashi daga Ivory Coast ya ce ya fada soyayyar matarsa Baturiya mai suna Laura bayan ta wallafa wani bidiyo game da cin zarafin gidan aure sai ya yi martani a kai.

Ta yi tattaki don haduwa da shi

Kara karanta wannan

Ya Rabu Dani Saboda Ina Da Muni: Hotunan Sauyawar Wata Budurwa Shekaru Bayan Saurayi Ya Guje Ta Ya Ba Da Mamaki

Daga bisani sai masoyan biyu suka fara bin junansu a dandalin kuma sai alaka mai karfi ta shiga tsakaninsu.

Da take bayanin abun da ya faru a dan gajeren bidiyo da ta wallafa a shafinta na TikTok mai suna @dammyandlaura, Laura ta ce ta yanke shawarar zuwa Ivory Coast don haduwa da masoyinta.

Sai suka dinke da junansu kuma yanzu suna da kyakkyawan yaro da suka samu sakamakon soyayyarsu kuma sun jajirce a kan junansu.

Ga dukkan alamu masoyan biyu na zaune lafiya cike da kaunar junansu kamar yadda suka bayyana a bidiyon su wanda ya yadu tare da kyakkyawan dansu.

Kalli bidiyon a kasa:

Jama’a sun yi martani

Hadadden bidiyon da suka yada don amsa tambayoyin jama’a game da yadda suka hadu ya haifar da martani da dama. Kalli wasu daga cikin martanin a kasa:

Kara karanta wannan

Na Hadu Da Shi Bai Da Ko Waya: Budurwa Ta Kasance Da Saurayinta Har Ya Siya Motar Benz

@Marina Rogers ta ce:

“Na hadu da nawa a TikTok. Abun da nake bukata kawai shine na kawo shi nan.”

@Chris uk ya yi martani:

“Kuma yanzu wadannan kyawawan ma’auratan sun zama iyali. Ina kaunar ku.”

@hazybby2 ya ce:

“Ina sanya ran wata rana zan hadu da nawa.”

Tunda Kunzo A Daura Kawai: Daga Zuwa Kai Gaisuwa, Iyaye Sun Nemi A Shafa Fatiha Kowa Ya Huta, Bidiyo

A wani labarin, mabiya shafin Twitter sun tofa albarkacin bakunansu bayan samun labarin wani aure da aka kulla ba tare da shiri ba kuma cikin sauki a karshen makon jiya.

Kamar yadda wani matashi mai suna Mista Bukhari Suwaid da shafin @suwaidybaba a Twitter ya bayyana, ya ce sun raka wani abokinsa gidan iyayen budurwar da yake nema da nufin gaisuwa.

Sai dai da isarsu gidan, sai iyayen suka nemi su je su zo da goro inda suka shiga kaduwa matuka. Bayan nan sai suka yi kamar yadda aka umurce su inda suka siya goro suka kai tare da bayar da kudin sadaki gaba daya.

Kara karanta wannan

Doguwar Mace: Bidiyoyin Magidanci Da Santaleliyar Matarsa Sun Haifar Da Cece-kuce, Iya Kugunta Ya Tsaya

Asali: Legit.ng