Bidiyon Amarya Da Ango Suna Sharban Kuka Wiwi A Wajen Liyafar Bikinsu

• Bidiyon wani ango da amaryarsa suna kuka da hawaye a wajen liyafar bikinsu ya yadu
• A cikin bidiyon wanda ya yadu a soshiyal midiya, an gano sabbin ma’auratan zaune a kujera suna ta zubar da hawaye
• An gano wasu mata biyu kusa dasu suna ta rarrashinsu yayin da suke share hawayen da kyallen zani

Najeriya – Wani bidiyo na wani ango da amaryarsa suna kuka wiwi da hawaye a wajen biyafar bikinsu ya haifar da zazzafar martani a shafukan soshiyal midiya.

Ma’auratan sun tsima zukata yayin da aka gano su zaune kusa da junansu suna zubar da hawayen murnar ganin wannan rana mai cike da tarihi a rayuwarsu.

Angon ne ya fara fashewa da kuka yayin da amaryar da ke zaune kusa dashi ta taya shi.

A cikin bidiyon wanda shafin arewafamilyweddings ya wallafa a Instagram, an gano wasu mata biyu zaune a gefen kowannensu suna aikin rarrashinsu yayin da suke goge idanunsu da kyallen zani.

Kara karanta wannan

Basa Taba Koyon Darasi: An Hasko Jami’an Yan Sanda Suna Karban Na Goro Daga Fasinjoji, Bidiyon Ya Yadu

Kalli bidiyon a kasa:

Jama'a sun yi martani

munarhs_delight_ ta ce:

"@twentyone_ten dole kayi ko a fasa."

mustee_sadeeq ya ce:

Naga alamar kukan nan shi mah al'ada ne..ka tanadi kyallen zaninka

hafsatruwansanyii ta yi martani:

"Hmmmm Allah mana zabi mafi Alkhairi Ameen."

princess_khardeejah

"❤️❤️❤️ MashaAllah Allah ya kaimu ranar nawa."

fhaty_m ta yi martani:

"Ya Allah ga fatima gare ka ❤️."

Ayyiriri: Yariman Jordan Mai Jiran Gado Zai Angwance Da Kyakkyawar Amaryarsa ‘Yar Saudiyya, Hotuna

A wani labarin, Yariman kasar Jordan mai jiran gado, Hussein bin Abdullah II zai angwance da budurwarsa ‘yar kasar Saudiya, Rajwa Khaled Al-Saif.

Jaridar Zawya ta rahoto cewa an yi baikonsu a ranar Laraba, 17 ga watan Agusta, kamar yadda Kotun masarautar Hashemite ta Jordan ta sanar.

An yi bikin baikon ne a gaban mai martaba sarkin Jordan, Abdullah II, Sarauniya Rania da kuma yan uwan amaryar a garin Riyadh ta kasar Saudiya.

Kara karanta wannan

Soyayyar Gaskiya: Bidiyon Auren Kyakkyawar Doguwar Amarya da Wadan Angonta ya Janyo Cece-kuce

Asali: Legit.ng