Bidiyon Yadda Wani Direba Ya Ci Na Kare Bayan Ayarin Gwamna Sun Tare Shi Kan Karya Dokar Tuki

Bidiyon Yadda Wani Direba Ya Ci Na Kare Bayan Ayarin Gwamna Sun Tare Shi Kan Karya Dokar Tuki

  • An sha wata yar dirama tsakanin wani direban mota da jami'an tsaro da ke cikin ayarin motocin gwamnan jihar Lagos, Babajide Sanwo-Olu
  • Direban yana tuki ne ba tare da bin doka ba don haka sai jami'an tsaron gwamnan suka tsare shi, yana ganin haka sai ya kwasa a guje ya bar motarsa a titi
  • Mutanen da suka ga bidiyon a shafukan soshiyal midiya sun tofa albarkacin bakunansu, da dama sun ga laifin direban

Lagas - Wani direban mota ya haddasa yar karamar dirama a kan titin Lagas a ranar Talata, 16 ga watan Agusta.

Diraban dai ya yasar da motarsa a tsakiyan titi sannan ya ci na kare bayan jami’an tsaro da ke tare da ayarin motocin gwamnan jihar Lagos, Babajide Sanwo-Olu sun tsayar da shi.

Kara karanta wannan

Innalillahi: An yi wani mummunan hadari, ya hallaka mutane, wasu sun jikkata

Ayarin gwamna
Bidiyon Yadda Wani Direba Ya Ci Na Kare Bayan Ayarin Gwamna Sun Tare Shi Kan Karya Dokar Tuki Hoto: LIB
Asali: UGC

Kamar yadda shafin LIB ya rahoto, direban yana tuki ne ba tare da bin dokar tuki a hanya ba kwatsam sai ya ci karo da ayarin motocin gwamnan.

Saboda tsoron kada a kama shi, sai kawai ya ci na kare sannan ya yi watsi da motar tasa a kan hanya.

Shin kana da labarin da ka/ki ke son an wallafa ma ka/ki? Ka tuntubemu a info@corp.legit.ng!

Kalli bidiyon a kasa:

Jama'a sun tofa albarkacin bakunansu kan lamarin

latashalagos ta ce:

"Wai mai zai hana mu yin abu yadda yakamata kamar mutanen da ke son kasa mai inganci?

iam.gifted.g ya ce:

"Motarsa ta tafi ."

officialmurphy1 ya ce:

" yanzu a zuciyarsa zai dunga cewa azzalumansa sun zo amma kuma ba zai bi doka da zama dan kasa nagari ba."

jersey.collections ta ce:

" yan haka ina kasa ina birgima da dariya ."

nkiruka734 ta ce:

"Me yasa kake gudu."

Kara karanta wannan

Ka bar ni na more: Uba ya damu da yadda dansa yake hana shi jin dadin aure

ifedirich ya ce:

"har yana umurtansu da su rufe masa kofa."

Ana Shagali A Lagas: Bidiyon Dan Achaba Yana Jan Motar Bas Mai Cin Mutum 18 Da Igiya

A wani labarin, jama’a sun tofa albarkacin bakunansu bayan bayyana bidiyon wani dan achaba yana jan motar bas mai cin mutane 18.

A cikin bidiyon wanda tuni ya yadu a shafukan soshiyal midiya, an gano yadda aka daure motar bas din wacce ga dukkan alamu ta samu matsala ne a jikin babur din da igiya.

Sai direban babur din ya dungi jan motar a kan titi wanda ke dauke da cunkoson ababen hawa.

Asali: Legit.ng

Online view pixel