Dan'uwan Buhari, da wasu yan majalisar Katsina 6 da suka sha kashi a zaben fidda gwani
Yan majalisar wakilan tarayya guda takwas sun sha kashi a zaben fidda gwanin yan majalisa karkashin jam'iyyar All Progressives Congress (APC) da ya gudana ranar Juma'a.
ABIN LURA: Za ku iya ceton rayuwar diya mace dake cikin hadari. Bada gudunmuwarka ga Patreon na Legit
Wadannan yan majalisa duk da su ke kan mulki sun sha lallasa hannun abokan hamayyarsu a zaben fidda gwanin.
Daga cikin dan babbar yayar Shugaban kasa Fatuhu Muhammad, wanda ya sha kashi hannun Aminu Jamo, rahoton Vanguard.
Source: UGC
DUBA: Shigo shafin Legit.ng na manhajar Legit.ng na Telegram! Kada ka bari komai ya wuce ka
Legit ta kawo muku jadawalin yan takaran da suka sha kasa tare da sunayen wadanda suka kayar da su.
Mazaba | Yan majalisar da suka sha kashi da kuri'un da suka samu | Wadanda suka samu nasara da kuri'un da suka samu |
Daura/Mai’Adua/ Sandamu | Fatuhu Muhammad (30) | Aminu Jamo (117) |
Faskari/Sabuwa/ Dandume | Murtala Isa (5) | Dalhatu Tafoki. (96) |
Katsina central | Salisu Isansi (7) | Sani Danlami (51) |
Batagarawa/Rimi/Charanchi | Hamza Dalhatu (56) | Usman Banye (77) |
Safana/Danmusa/ Batsari | Ahmed Dayyabu | Abdulkadir Zakka |
Kurfi/Dustin Ma | Armayau Kado (8) | Aminu Balele (97) |
Mani/Bindawa | Ashiru Mani (54) | Ahmed Yusuf (56) |
Dukka Sanatocin Katsina 3 su ka rasa tikitin tazarce a karkashin Jam’iyyar APC
A shiyyar kudancin Katsina, Hon. Muntari Dan Dutse ya yi galaba a kan Sanata Bello Mandiya. Hon. Dan Dutse ya doke Sanata mai ci da ratar kuri’u fiye da 280.
‘Dan majalisar Zango/Baure, Nasir Sani Zangon Daura shi ne zai yi wa APC takarar Sanata a yankin Daura bayan ya doke tsohon kwamishina, Mustapha Kanti.
A yanki Daura kuwa, Sanata Ahmed Babba Kaita zai sake neman takarar majalisar dattawa na shiyyar Arewacin Katsina, wannan karo ‘Dan majalisar zai tsaya ne a PDP.
Jam’iyyar PDP ta tsaida Babba Kaita ya yi mata takarar Sanata a 2023, bayan ya fice daga APC. Shi kadai ne Sanata mai-ci da zai nemi tazarce a shekara mai zuwa.
A yankin Funtua, Kanal Abdulaziz Musa ‘Yaradua (mai ritaya) ya yi nasara a wajen lashe zaben fitar da gwani na jam’iyyar APC mai mulki a jihar Katsina.
Abdulaziz Musa ‘Yaradua ya doke Sanata Abdullahi Barkiya wajen samun tikitin majalisar dattawa, shi ne wanda zai yi wa APC takara a zaben 2023.
Asali: Legit.ng
