Labari mai dadi: Kotu ta hana DSTV da GoTV kara wa 'yan Najeriya kudin 'subscription'

• Kotu ta bukaci MultiChoice Nigeria Limited da kar ya kara farashin kayayyakinsa da ayyukansa a Najeriya
• Kotun kayayyaki ta Competition and Consumer Protection (CCP) ne ta bayar da umarnin hana kamfanin kara farashi a Abuja
• Kotun ta bayar da wannan umarni ne biyo bayan wata kara da wani lauya Festus Onifade ya gabatar a gabanta

Wata kotu da ke zamanta a Abuja, mai suna Competition and Consumer Protection (CCP) ta haramtawa Kamfanin Multichoice Nigeria Limited kara farashin kayayyakinsa da ya kudurta daga ranar 1 ga Afrilu, PM News ta ruwaito.

Kotun mai mambobi uku a karkashin jagorancin Thomas Okosun, ta bayar da wannan umarni ne biyo bayan wata karar da lauya Festus Onifade ya gabatar a madadin sa da kuma kungiyar hadin kan masu amfani da kayayyaki a Najeriya.

Kara karanta wannan

Da dumi-dumi: Abba Gida-Gida ya sauya sheka daga PDP zuwa NNPP

Sauran mambobin kotun sun hada da Sola Salako Ajulo da Ibrahim EL-Yakubu., kamar yadda Pulse Nigeria ta ruwaito.

NAN ta ruwaito cewa a cikin karar mai lamba: CCPT/OP/1/2022, Multi-Choice Nigeria Limited da Federal Competition and Consumer Protection Commission (FCCPC) sune masu amsa karar na 1 da 2.

An gabatar da karar ne a ranar 29 ga Maris bisa ga sashe na 39 (1) & (2) na dokar FCCPC 2018; oda 26, Doka ta 5 (2), (3) & 26 Doka ta 6 (1) & (2) Dokokin Babban Kotun Tarayya (Tsarin Farar Hula) Dokokin 2019 da Sashe na 47 (a), (b), (c), (d) , na Federal Competition and Consumer Protection 2018.

Karar dai ta nemi dakile kamfanin na MultiChoice daga shirinsa na kara farashi, wanda ya koka da cewa farashin man fetur ya karu a Najeriua.

Kara karanta wannan

Abubuwa 7 da ya kamata ka sani game da Abdullahi Adamu, sabon shugaban APC

Kotu ta yi duba, sannan ta ba da umarnin kada kamfanin ya aikwatar da manufarsa ta karin kudin farashin.

Tsadar rayuwa: DSTv, GOTv za su kara kudin 'subscription' yayin da Ramadana ke karatowa

A tun farko, wani rahoton jaridar Punch ya nuna alamar cewa, masu amfani da DSTv da GoTV a Najeriya za su fara biyan sabon farashi don kallon shirye-shirye a tashoshin da suka fi so, Multichoice ya sanar.

Sabon farashin wanda aka sanar wa jama'a a yau, Maris 22, 2022, kamfanin ya ce ya faru ne saboda hauhawar farashin kayayyaki da dawainiyar kasuwanci.

Sabbin sauye-sauyen za su fara aiki ne daga Afrilu 1, kuma zai shafi dukkan tsarukan hulda na nau'ikan kamfanin guda biyu, rahoton PremuimTimes.

Asali: Legit.ng