Labari mai dadi: CBN ya cire kudaden da ake cajin kwastomomi na ATM da sauran cajin banki

• Babban bankin Najeriya ya bayyana kudaden da suka dace ake cirewa a bankunan dangane da korafe-korafen da ‘yan Najeriya ke yi game da yadda ake zaftare kudadensu a bankuna
• CBN ya kuma sanar da rage farashin harkokin hada-hadar kudi ta intanet; daya daga cikin batutuwan da ake ta cece-kuce a tsakanin bankuna da kwastomomi
• Bankunan Najeriya sun samu makudan kudade daga hada-hadar kasuwanci da intanet da wayoyin hannu da suka kai sama da Naira biliyan 200 a 2021

FCT, Abuja - Babban Bankin Najeriya (CBN) ya yi nazari kan kudaden da ake kashewa da kuma adadin kudaden da ake cirewa kwastomoni a harkokin bankuna a kasar.

CBN ya bayyana hakan ne a cikin wata sabuwar takardar da ya fitar mai taken ‘Guide to Charges by Banks Other Financial and non-Financial’ kamar yadda Daily Independent ta rahoto.

Kara karanta wannan

Gwamnonin Jihohi za su sake sa kafar wando daya da ‘Yan Majalisa kan rigimar dokar zabe

Babban bankin na CBN ya ce hakan zai shafi dukkan bankuna da kuma cibiyoyin hada-hadar kudade a duk fadin Najeriya.

Sanarwar ta bayyana cewa CBN ya rage wasu cajin da suka hada da na 'Standing Order Charge'; Kudin Gudanar da ATM; canjawa kudi wurin zama daga asusu zuwa wani asusun da tura kudi da yawa da dai sauransu.

A cikin sabuwar ka’idar, CBN ya ce kudaden da ake cirewa na 'Standing Order Charge' na banki zai kasance kyauta idan aka kwatanta da N300 a cikin ka’idar 2017.

Dangane da tura kudade tsakanin bankuna, CBN ya rage cajin kudi zuwa N50 a kowane ciniki idan aka kwatanta da N300 da aka bayyana a 2017, kamar yadda NAN ta bayyana.

Biyan Kudi (ciki har da biyan kudaden wutan lantarki da danginsu) za a iya ciniki akan iyakar N500 ga kowane hulda wanda mai aikawa zai biya, ragi daga N1,200 ko 0.75% na kudin da ake son biya.

Kara karanta wannan

Tinubu, Saraki, Okorocha da ‘yan takaran Shugaban kasa 6 da EFCC da ICPC suke bincike

Hakanan an sake duba tsarin tura kudi wato 'transfer' ta intanet zuwa N10 a kan N5000; N26 a N5001 zuwa N50,000 yayin da sama da N50,000 za a caji N50.

An rage farashin cire kudi daga mashunan ATM na wasu bankuna daga N65 zuwa N35 bayan cirewa na uku a cikin wata guda.

CBN ya kuma rage kudin biya na ATM daga N100 zuwa N50. An cire kudaden kula da katin zare kudi na ATM na N100 a wata a cikin sabuwar dokar.

Sabbin bayanai 4 game da Dangote da baku sani ba: Zai iya kashe N415m kullum na tsawon shekaru 40

A wani labarin, kamar yadda mujallar Forbes ta fitar a baya-bayan nan, karin 30% na farashin hannun jarin simintin Dangote wanda ya biyo bayan karuwar gine-ginen a Najeriya daga 'yan kasa da gwamnati ya ba da gudummawa ga karin dukiyarsa.

Legit.ng a bincikenta, ta kawo muku wasu sabbin abubuwa guda 4 masu ban sha'awa game da hamshakin attajirin wanda a halin yanzu dukiyarsa ta kai dala biliyan 13.9.

Kara karanta wannan

An yankewa Hedmasta hukuncin share filin kwallo tsawon wata 3 kan satar kudin makaranta

Karuwar arzikin da Dangote ya samu ya sa attajirin zai iya kashe dala miliyan 1 (N415m) a kullum nan da shekaru 40 masu zuwa.

Asali: Legit.ng