Za a Ɗaura Gagarumin Aure a Fadar Aminu Ado bayan na Yar Kwankwaso a Fadar Sanusi II

• Mataimakin shugaban majalisar dattawan Najeriya, Sanata Barau Jibrin ya sanar da daurin auren yayansa da za a yi a watan Disamba
• Za a daura auren ya'yan Sanata Barau guda biyu a fadar Alhaji Aminu Ado Bayero da ke unguwar Nasarawa a cikin birnin Kano
• Hakan na zuwa ne bayan an daura auren yar Sanata Rabi'u Musa Kwankwaso a fadar mai martaba Muhammadu Sanusi II a Kofar Doka

Editan Legit Hausa Ibrahim Yusuf yana da gogewar aikin jarida da rubuce-rubucen adabi sama da shekaru hudu, kuma kwararre ne a kawo rahotannin kasuwanci, siyasa da lamuran yau da kullum.

Jihar Kano - Ana shirin daura auren ya'yan mataimakin shugaban majalisar dattawa, Sanata Barau Jibrin a fadar mai martaba Aminu Ado Bayero.

Lamarin na faruwa ne bayan daura auren Aisha Rabi'u Kwankwaso a fadar mai martaba Muhammadu Sanusi II.

Legit ta samo bayanai kan daurin auren ne a cikin wani sako da Sanata Barau ya wallafa a shafinsa na Facebook.

Kara karanta wannan

Ganduje ya rama abin da aka yi masa, ya ki zuwa auren yar Kwankwaso a Kano

Auren ɗan Sanata Barau a Kano

Iyalan Sanata Barau Jibrin da mai martaba Nasiru Ado Bayero ne suka sanar da daurin auren ƴaƴansu.

Rahotanni sun tabbatar da cewa za a daura auren Jibrin Barau I. Jibrin da Maryam Nasir Ado Bayero.

Auren yar Sanata Barau Jibrin

Haka zalika iyalan Sanata Barau da Alhaji Abdulmunaf Yunusa Sarina sun sanar da daurin auren ƴaƴansu.

Iyalan sun bayyana cewa za a daura auren Abubakar Adulmanaf Yunusa da Aisha Barau I. Jibrin.

Bincike ya nuna cewa Alhaji Abdulmunaf Yunusa Sarina ne shugaban rukunin kamfanin AZMAN a tarayyar Najeriya.

Yaushe za a daura auren ya'yan Barau?

Bayanan da iyalan Barau suka fitar sun nuna cewa za a daura auren ne a ranar 13 ga watan Disamba da misalin karfe 1:30 na rana.

Haka zalika za a daura auren ne a fadar mai martaba Alhaji Aminu Ado Bayero da ke Kofar Nassarawa a Kano.

Kwankwaso ya yi godiyar auren yarsa

Kara karanta wannan

Kwankwaso ya jero mutane ya musu godiya bayan auren yarsa

A wani rahoton, kun ji cewa Sanata Rabi'u Musa Kwankwaso ya yi godiya ga wadanda suka halarci daurin auren yarsa.

An daura auren Dr Aisha Rabi'u Musa Kwankwaso ne da Fahad Dahiru Mangal a fadar mai martaba Muhammadu Sanusi II a Kofar Doka.

Asali: Legit.ng