‘Na Yi Tunanin Na Samu Mijin Aure’: Budurwa Ta Shiga Kunci Bayan Saurayinta Ya Gudu Ya Barta, Bidiyon Ya Yadu

• Wata budurwa 'yar Najeriya ta wallafa wani faifan bidiyo inda ta koka kan yadda saurayinta ya tsere ya barta bayan yanke mata kafa
• Budurwar mai suna Ajibade Hannah ta bayyana yadda ta sha mamaki wanda a baya ta yi tunanin ta samu mijin aure
• Mutane da dama sun tofa albarkacin bakinsu inda suka nuna goyon bayansu a gareta da nuna mata cewa ta yi hakuri

Wata budurwa 'yar Najeriya mai suna Ajibade Hannah ta bayyana yadda ta shiga tashin hankali bayan saurayinta ya tsere ya barta.

A wani faifan bidiyo, Ajibade ta ce saurayin nata ya gudu ne saboda an yanke mata kafa, Legit.ng ta tattaro.

Ajibade ta rubuta kamar haka:

"Na yi tunanin na samu mijin aure, amma bayan an yanke mini kafa, ban sake ganin fuskarsa ba sai yanzu."

Kara karanta wannan

“Yar'uwata Ce Ta Nemi Na Yi Haka”: An Sha Yar Dirama Yayin da Miji Ya Dirka Wa Kanwar Matarsa Ciki, Ta Ki Zubarwa

Wannan bayani na budurwar ya jawo martani da dama na tausayawa daga mutane, inda wasu suka shawarce ta watsar da kashinsa, bai dace da ita ba.

Mutane sun tausayawa budurwar bayan saurayinta ya tsere

Labarin ya taba zuciyoyin jama'a da dama inda suka bayyana amfanin samun soyayya ta gaskiya da kuma kulawa a irin wannan lokaci.

Mutane da dama sun tofa albarkacin bakinsu akan wannan labari mai ban tausayi:

@shullyshully4:

"Ko da kafafuna, mutane za su yaudare ni, ina miki addu'ar samun karfin gwiwa."

@tynacraftsconcept:

"Kawai ki manta da shi, ba mijinki ba ne, mijinki zai zo daga baya a kowane yanayi kike."

@brendalism34:

"Gayu za su yaudare ki, karki damu wani zai zo ya so ki a yadda kike, yana kusa, ubangiji ya taimake ki."

@slickkydee:

Kara karanta wannan

"Ta Ki Yarda Ta Tsufa": Hotunan Wata Mata Mai 'Ya'Ya 7 Da Jikoki 5 Sun Janyo Cece-Kuce a Intanet

"Irin haka ta faru da ni lokacin da aka kama ni a ranar Asabar, ta tafi ta barni bayan kwana daya tana batamn suna bayan ina kulle a ofishin 'yan sanda."

@___fath8a:

"Ko da kafafu biyu, ban taba ganin alamu ba, ki godewa Allah, idan kina raye komai zai zo da sauki."

Ku kalli faifan bidiyon a kasa:

Budurwa Ta Rufe Fuskarta Don Kunya Bayan Ta Yi Wa Kawayenta Karya A Otal

A wani labarin, wata budurwa ta shiga tashin hankali bayan ta hadu da kawayenta a otal.

Budurwar ta yi karyar cewa tana aiki a otal din a matsayin mai tarbar baki wanda suka fahimci karya ne.

Budurwar ta fahimci kawayen nata suna nadar bidiyon ta, sai ta rufe fuskarta ta tsere da gudu.

Asali: Legit.ng