Hotunan Sallah Na Biloniyan Dan Majalisa Ned Nwoko Da Matarsa Yar Morocco Da Yayansu

• Mutane da dama sun tofa albarkacin bakinsu yayin shahararren dan kasuwa Ned Nwoko ya wallafa hotunan sallah
• Ned wanda shi ne mijin 'yar shirin fim a Najeriya, Regina Daniels ya wallafa hotunan da daya matarsa a kafar Instagram
• Matar mai suna Laila wacce asali 'yar kasar Morocco ce itama ta wallafa hotunansu da 'ya'yansu guda biyar

Shahararren dan kasuwa, Ned Nwoko kamar sauran Musulmin kasar ya yi murnar zagayowar bikin sallah babba.

Nwoko wanda shi ne mijin shahararriyar 'yar fim Regina Daniels ya wallafa hotonsa da daya matarsa 'yar kasar Morocco, Laila Charani da 'ya'yansu biyar yayin bikin sallar.

A cikin hoton ma'auratan sun kasance cikin farin ciki inda Nwoko ta taya sauran Musulmai murnar bikin sallah, Legit.ng ta tattaro.

Ned Nwoko ya rubuta kamar haka:

Kara karanta wannan

Ministocin Tinubu: Jigon APC Ya Musanta Zargin Ba Wa Gbajabiamila Cin Hanci Don A Bashi Mukami

"Ina taya dukkan iyalai murnar bikin sallah @mnslailacharani"

Laila Charani itama ta wallafa irin wannan hoto tare da mijin nata amma ba tare da 'ya'yan nasu ba.

Ta wallafa cewa:

"Barka da sallah Ina taya ku murna bikin sallah, ina muku fatan alkairi tare da iyalanku."

Mutane da dama sun mai da martani akan hotunan da Ned da matarsa suka wallafa.

Martanin mutane akan hotunan da aka wallafa:

dedieu.beni.9406:

"Hankalinsa yafi kwanciya idan yana tare da Laila, sake karantawa."

elisheba_kaira:

"Ashe haka kake idan ba a tace hoto ba, ba komai ina taya ka murnar sallah da iyalanka."

daniellasenibo:

"Wannan shi ne ainihin fuskar Ned, Regina tana amfani da abin tace hoto akanshi."

patricia_g_37:

"Wannan ya yi kyau, matar tana da zuciya mai kyau ina ji a jiki na."

Kara karanta wannan

Gwamnatin Tinubu Ta Kirkiro Sabuwar Hanyar Tatsar Kudi Daga Masu Hawa Titi

carinemponyi:

"Ya fi kyau mutum ya auri tsoho mai kudi akan irinsu Davido kullum matsala, yaudara kadan zan iya mutuwa."

vividelune:

"Kun yi kyau sosai da mijinki, ubangiji ya albarkaci aurenku don 'ya'yanku."

akpan.martha.7:

"Iyali mai kyau, ubangiji ya albarkaci gidanku, ina muku murnar sallah."

Budurwa Ta Rufe Fuskarta Don Kunya Bayan Ta Yi Wa Kawayenta Karya A Otal

A wani labarin, wata budurwa ta rufe fuskarta don kunya bayan haduwa da kawayenta a wani otal.

Budurwar ta yi wa kawayen nata karyar cewa ita mai tarbar baki ce a otal din, ashe ba su sani ba mai gadi ce.

Asali: Legit.ng