Jarumar Kannywood, Bilkisu Ta Saki Sababbin Hotuna da Suka Bayyana Surar Jikinta

• Jarumar Kannywood Bilkisu Salis ta gamu da fushin mutane kan shigar da ta yi a wasu sababbin hotuna da ta saki kwanan nan
• Masu bibiyar jaruma Bilkisu sun yi tsokaci iri-iri, wasu na yabawa kyawunta, yayin da wasu da dama ke caccakar shigar da ta yi
• Sama da mutane 1,100 sun nuna alamar kauna ga hotunan, yayin da wasu masu tsokaci ke jan hankalinta kan bin dokokin addini

Sani Hamza, kwararren edita ne a fannin nishadi, al'amuran yau da kullum da kuma siyasa. Sani yana da shekaru sama da biyar a aikin jarida

Kano - Wata 'yar wasar Kannywood, Bilkisu Salis, ta saki wasu sababbin zafafan hotuna a shafukan sada zumunta da suka jawo mata zagi.

Masoya da masu bibiyar jarumar a soshiyal midiya sun nuna matukar bacin ransu kan "mummunar" shigar da ta yi kuma ta wallafa a yanar gizo.

A ranar Juma'a, jaruma Bilkisu Salis ta wallafa hotunan da ake ta ka-ce-na-ce a kansu a shafinta na Instagram mai mabiya sama da 66,000.

Kara karanta wannan

'Yar gwagwarmaya ta hango lokacin da Tinubu zai mutu, kotu ta tura ta gidan yari

A yayin da ta wallafa hotunan, 'yar wasar kwaikwayon ta yi addu'o'i da Larabci tana mai cewa:

"Ya Ubangiji ka sanya ni da zuriyata mu zamo masu tsayar da Sallah. Ya Ubangiji ka karɓi addu'ata.

"Ya Ubangiji ka gafarta mini, da iyayena da dukkan muminai a ranar da za a tsayar da hisabi."

Sama da mutane 1,100 suka nuna alamar 'kauna' a kan hotunan da ta wallafa, yayin da sama da mutane 50 suka tofa albarkacin bakinsu.

Mutane sun yiwa jaruma Bilkisu tatas

A yayin da wasu daga cikin masu tsokaci suka rika kuranta kyawun jarumar, wasu a hannu daya sun yiwa Bilkisu tatas kan irin shigar da ta yi.

Legit Hausa ta tattaro kadan daga ra'ayoyin masu bibiyar jarumar kan hotunan da ta wallafa:

realharunzender:

"Masha Allah, da kyau da kyau, fatan nasara jarumata."

huzzy_boy_:

"Wallahi a ji tsoron Allah."

dannazi014:

"Allah ya shirya ki, amma avacoin dinki duk a waje, wata rana uwa ce ke."

Kara karanta wannan

Mutuwar yara 35: Ƴan sanda sun cafke tsohuwar matar wani babban sarki a Najeriya

queen_fiddau13:

"Ba za dai ki bari ba, duk da wa'azantuwar da mutuwa ke mana."

real_sulee2000:

"Nonuwanki a waje, Allah ya kyauta."

shariff_mahmud_

"Ke da nake girmamawa za ki yi wannan shigar? Wallahi Annabi ya tsinewa wannan shigar."

realnasirabdullahi:

"kofar aljanna a bude take, kofar wuta ma a bude take sai wadda ka ga damar shiga."

abbasgas1:

"Kin yi kyau, amma gaskiya kin bar nonuwanki a waje."

saifullahisabowaizi:

"Bai dace da ke ba irin wannan shigar, haramun ne, ya kamata ki hankalta. Akwai mutuwa tana zuwa kowane lokaci."

Kalli hotunan jarumar da suka tayar da kura a kasa:

Hotuna: Jaruma Rayya ta jawowa kanta magana

A wani labarin, mun ruwaito cewa ma'abota soshiyal midiya sun yiwa jarumar Kannywood, Rayya Kwana Casa'in kaca kaca kan shigar da ta yi.

A wasu hotuna na murnar karin shekara da Rayya ta fitar, an ga jarumar ta yi shigar da ta nuna wasu sassan jikinta, lamarin da ya jawo ce-ce-ku-ce.

Asali: Legit.ng