Da Alama Amurka Ta Ji Wuta, Shugaba Trump Ya Hango Karshen Yaki da Kasar Iran
- Shugaban Amurka, Donald Trump ya yi ikirarin cewa sun kusa gama yaki da Iran saboda sun lalata wa kasar duk wani abu da take takama da shi
- Trump ya bayyana haka yayin da ake ci gaba da musayar wuta tsakanin Amurka/Isra'ila da Jamhuriyar Musulunci ta Iran
- Wannan kalamai ja Shugaba Trump sun saba wa ma'aikatar tsaron Amurka, wacce ta bayyana cewa yaki da Iran yanzu aka fara
CHECK OUT: How to Start Earning with Copywriting in Just 7 Days – Even if You’re a Complete Beginner
Ahmad Yusuf, kwararren edita ne a Legit Hausa da ya shafe tsawon shekaru yana kawo muku rahotannin siyasa, nishadi da al'amuran yau da kullum
America - Shugaban kasar Amurka, Donald Trump ya yi ikirarin cewa yakin Iran ya kuaa karewa saboda sun yi riga sun murkushe duk wani karfin sojin Jamhuriyar Musulunci ta Iran.
Trump ya jaddada cewa yakin da ake yi da Iran ya kusa karewa, yana mai cewa duk wani abu da Iran kw takama da shi na kargi ya lalace sakamakon hare-haren hadin gwiwar Amurka da Isra'ila.
Source: Getty Images
A wata hira da tashar CBS News a ranar Litinin, Trump ya bayyana cewa:
“Ina ganin yakin ya kusan karewa. A yanzu ba su da rundunar sojin ruwa, ba su da sadarwa, kuma ba su da rundunar sojin sama, duk mun murkushe su."
Trump ya yi ikirarin samun nasara kan Iran
Ya kara da cewa makamai masu linzamin Iran sun kusa karewa, kuma Amurka da Isra'ila sun lalata jiragen yaki marasa matuka da kasar ke takama da su a ko’ina, har ma da wuraren kera su.
“Idan ka duba sosai, a yanzu ba su da komai a bangaren karfin soja,” in ji Trump.
Sai dai a lokaci guda, ma’aikatar tsaron Amurka, Pentagon, ta bayyana cewa duk hare-haren da kasar ta kai somin tabi ne, "yanzu Amurka ta fara wannan yaki,”
Wannan ya nuna yadda bangarorin gwamnatin Amurka suka yi sabani yayin da ake ci gaba da musayar wuta, kamar yadda Vanguard ta jawo.
Barazana kan mashigar Hormuz
Trump ya kuma yi gargadi ga Iran kan kokarin rufe mashigar mai ta duniya, wato Strait of Hormuz, inda jiragen dakon man fetur ke wucewa.
Ya ce yana tunanin karbe ikon mashigar daga hannun Iran, duk da cewa zirga-zirgar jiragen mai ta fara komawa a hankali a hankali.
Rufe mashigar zai iya jefa kasuwannin makamashi cikin gagarumar matsala domin kaso mai yawa na man fetur na duniya na wucewa ta nan.
Source: Getty Images
Abin da Trump ya ce kan jagoran Iran
Trump ya kuma ce ba shi da wani sako ga sabon jagoran addinin Iran, Mojtaba Khamenei, wanda aka zaba bayan kashe mahaifinsa, Ali Khamenei.
“Ba ni da wani sako gare shi. Ko kadan,” in ji Trump.
A baya ma Trump ya bayyana rashin jin dadinsa da nadin Mojtaba Khamenei, yana mai cewa yana da wani daban a zuciyarsa wanda zai iya jagorantar Iran.
China ta yi gargadi kan jagoran Iran
A wani rahoton, kun ji cewa kasar China ta yi gargadi kan masu yunkurin farmakar sabon jagoran addini na Jamhuriyar Musulunci ta Iran, Mojtaba Khamenei.
China ta bayyana cewa nadin Mojtaba Khamenei a matsayin Jagoran Addini na Iran bayan kashe mahaifinsa lamari ne na cikin gida, bai kamata wani dan waje ya ji ba.
Mai magana da yawun ma’aikatar harkokin wajen China, Guo Jiakun, ya shaida wa manema labarai ranar Litinin cewa nadin Mojtaba Khamenei ya yi daidai da kundin tsarin mulkin Iran.
Asali: Legit.ng
