'Third World': Najeriya da Kasashe 62 da Trump Zai Hana Mutanensu Zama a Amurka

• Shugaba Donald Trump ya sanar da cewa zai dakatar da mutanen ƙasashen 'Third World' daga samun wurin zama a Amurka
• Masana sun ce kalmar 'Third World' ta fito ne tun lokacin yakin sunkuru, amma yanzu ana ɗaukarta matsayin kasashe masu tasowa
• A wannan rahoto, Legit Hausa ta jero kasashen da Trump ya ke nufi da 'Third World' ciki har da Najeriya, Indiya da kuma Iraq

Sani Hamza, kwararren edita ne a fannin nishadi, al'amuran yau da kullum da kuma siyasa. Sani yana da shekaru sama da biyar a aikin jarida

Amurka - A ranar 28 ga Nuwamba, 2025, Shugaban Amurka Donald Trump ya sanar cewa zai hana shigowar 'yan hijira daga kasashen 'Third World'.

Wannan mataki da Shugaba Donald Trump ke shirin dauka ya sake tayar da muhawara mai zafi kan ma’anar kalmar da kuma ko ta dace a ci gaba da amfani da ita.

Kara karanta wannan

Ana murnar ceto daliban Maga, 'yan bindiga sun kashe jami'an hukumar NIS a Kebbi

Ma’anar kalmar “Third World” da sauyin da aka samu

Masana tarihi da tattalin arziƙi sun bayyana cewa kalmar Third World ta samo asali ne a lokacin Yakin Baka, kamar yadda aka karanta a wani littafi da aka wallafa a shafin hukumar NIMC.

A wancan lokacin, kalmar na nufin ƙasashen da ba su bi NATO ba ko kuma ƙungiyar Tarayyar Soviet.

Bayan rushewar Tarayyar Soviet a shekarun 1990, ma’anar kalmar Third World ta sauya. Aka dawo amfani da kalmar wajen nuni da:

• ƙasashen da ke fama da talauci mai tsanani
• matsalar tattalin arziki da rashin masana’antu
• karancin albarkatun rayuwa

Sai dai masana sun ce yau kalmar ta zama 'cin fuska', 'marar inganci', kuma bata dace a yi amfani da ita a kasashen duniya a wannan karni ba.

A maimakon haka, cibiyoyi kamar Majalisar Dinkin Duniya da Bankin Duniya suna amfani da kalmomi irin su:

Kara karanta wannan

DSS: Tukur Mamu ya karɓi N50m daga ’yan ta’addan da suka kai hari Kaduna

• ƙasashen da ke tasowa
• ƙasashen da suka fi talauci
• ƙasashen da ke da ƙarancin kudin shiga

Jerin kasashen da ake kira “Third World”

A cewar wani rahoto na shafin World Population Review, ga jerin ƙasashen da ake ɗauka a matsayin 'Third World':

1. Bhutan
2. Iraq
3. Eswatini
4. Tajikistan
5. Tuvalu
6. India
7. Bangladesh
8. El Salvador
9. Palestine
10. Equatorial Guinea
11. Cape Verde
12. Namibia
13. Guatemala
14. Republic of the Congo
15. Honduras
16. Kiribati
17. São Tomé and Principe
18. Timor-Leste
19. Kenya
20. Ghana
21. Nepal
22. Vanuatu
23. Laos
24. Angola
25. Micronesia
26. Myanmar
27. Cambodia
28. Comoros
29. Zimbabwe
30. Zambia
31. Cameroon
32. Solomon Islands
33. Uganda
34. Ivory Coast
35. Rwanda
36. Papua New Guinea
37. Togo
38. Syria
39. Mauritania
40. Najeriya
41. Tanzania
42. Haiti
43. Lesotho
44. Pakistan
45. Senegal
46. Gambia
47. DR Congo
48. Malawi
49. Benin
50. Guinea-Bissau
51. Djibouti
52. Sudan
53. Liberia
54. Eritrea
55. Guinea
56. Ethiopia
57. Afghanistan
58. Mozambique
59. Madagascar
60. Yemen
61. Sierra Leone
62. Burkina Faso
63. Burundi.

Kara karanta wannan

Bincike: Ƴan sanda sun bayyana wadanda ake zargi da sace mutane 10 a jihar Kwara

CPC: Trump zai sake tunani kan kasashe 19

A wani rahoton, mun ruwaito cewa, Gwamnatin Donald Trump ta ce za ta sake nazari kan bakin da aka amince masu su zauna a kasar daga kasashe 19.

Hukumar kula da baki a Amurka (USCIS) ta ce ta fara duba damar da aka ba mutanen ƙasashe “masu babbar matsala”, bisa umarnin Trump bayan harbin sojoji.

Har ila yau, Shugaban Amurka, Donald Trump, ya bayyana cewa gwamnatinsa za ta dakatar da shigowar baki daga dukkan ƙasashe masu tasowa gaba ɗaya.

Asali: Legit.ng