"439k Duk Wata": Yar Najeriya Ta Nunawa Duniya Daki 1 Da Ake Biyan Miliyan 5.2 Duk Shekara a UK

• Wata matashiyar budurwa da ke zaune a UK ta nunawa duniya wani daki da ake biyan kudin haya N439k duk wata, sannan ta saki bidiyon dakin
• Gidan mai daki daya yana a wajen Newcastle, kasar Birtaniya, sannan matashiyar ta zagaya cikin dakin don duba yadda yake
• Wasu masu amfani da TikTok sun ce dakin ya yi arha a kan N439k wanda ke nufin yan haya za su biya miliyan 5.2 duk shekara

Wata matashiya da ke zaune a kasar Birtaniya ta wallafa wani bidiyo da ke nuna gidan da za a ba da haya N439k duk wata.

Gidan mai daki daya ne da ke a wajen Newcastle kuma Dat Naija Girl ta dauki bidiyon yadda fasalin gidan yake sannan ta wallafa shi a intanet.

Fasalin cikin gidan N439k duk wata a Newcastle, UK

Kara karanta wannan

“Tana Biyan 238k Duk Wata”: Yar Najeriya Ta Baje Kolin Dakinta a Kasar Japan, Bidiyon Ya Yadu

Matashiyar ta zagaya da masu kallonta domin su ga cikin dakin, tana mai nuna yadda aka tsara cikinsa.

Ta nuno cikin dakin, kicin, bandaki da wajen wanka a cikin dakin.

Duk mai son karbar hayar gidan mai daki daya a Newcastle zai dunga biyan zunzurutun kudi har naira miliyan 5.2 duk shekara.

Lokacin da ta wallafa bidiyon, ya haddasa cece-kuce a tsakanin mabiyanta. Wasu sun dage cewa dakin ya yi arha kuma ya ci kudinsa.

Kalli bidiyon a kasa:

Jama'a sun yi martani ga bidiyon daki daya a Newcastle, UK

@thistemmy ta ce:

"Wannan gidan zai kai 1300 a Landan."

@Obinna John Egbuniwe ya yi martani:

"Shiyasa ya yi arha. Wannan zai kai kamar £1,200 duk wata a Landan."

@Chinenye Berny-Amore ta ce:

" Na biya £850 kan abu makamancin wannan a East Sussex."

Kara karanta wannan

Innalillahi Wa Inna Ilaihi Raji'un, An Tsinci Gawar Shugabar Alkalai a Yanayi Mara Kyau a Jihar Arewa

@Damilola Marshal ta yi martani:

"Baaba na sha wahala a Landan dinnan. Ina so na bar Landan dinnan."

Yar Najeriya ta baje kolin dakinta a kasar Japan

A wani labari makamancin wannan, mun ji cewa wata matashiya yar Najeriya, Prospee, ta baje kolin dakinta na kasar Japan, wanda take biyan $309 (kimanin N238k) duk wata a matsayin kudin haya.

Baya ga intanet mara yankewa, ta bayyana cewa dakin nata ya zo da gado, talbijin, na'urar dumama abinci, firinji, na'urar sanyaya wuri da injin wanki.

Asali: Legit.ng