Farai Ministan Canada Ya Saki Matarsa Bayan Shekaru 18 Da Aure
Canada - Justin Trudeau, Farai ministan Canada da matarsa, Sophie sun rattaba hannu kan takardan raba aurensu bayan kusan shekaru 18 suna aure.
DUBA NAN: Bibiyi shafin Legit.ng Hausa a kafar TikTok. Kada ka bari bidiyo mai daukar hankali ya wuce ka!
Trudeau ya sanar da hakan ne a shafinsa na Instagram a yammacin ranar Laraba.
Asali: Getty Images
Ya rubuta:
Shin kana da labarin da ka/ki ke son an wallafa ma ka/ki? Ka tuntubemu a info@corp.legit.ng!
"Barka dai, Sophie da ni muna son mu sanar da cewa bayan tattaunawa mai wahala da ma'ana, mun yanke shawarar mu rabu.
"Kamar yadda aka saba, za mu cigaba da kusanci a iyali tare da kauna da girmama juna da abin da muka gina kuma za mu cigaba da ginawa. Saboda walwalar yaranmu, muna rokon ku mutunta sirrin mu da na yayanmu. Mun gode."
Ofishin Trudeau ita ma ta tabbatar da rabuwar firaiministan da matarsa
Kara karanta wannan
Tantance Ministoci: ‘Yar Katsina ta Sharba Kuka Gaban Sanatoci da Tuna Mahaifinta
Hakazalika, ofishinsa ita ma ta tabbatar da lamarin cikin wata sanarwa.
Sanarwar ta ce:
"Sun yi aiki don tabbatar da cewa an bi dukkan dokokin kotu dangane da niyyarsu ta rabuwa, kuma za su cigaba da yin hakan nan gaba.
"Za su cigaba da kasancewa iyali kuma Sophie da Faraiministan za su mayar da hankali don kula da yaransu a yanayi na kauna, tsaro da hadin kai. Iyalan za su tafi hutu, daga mako mai zuwa."
Trudeau, dan shekara 51, da Sophie, yar shekara 48, sun yi aure a Mayun 2005. Sun haifi yara uku tare.
Dakaci karin bayani ...
Asali: Legit.ng
