Shugaba Buhari ya yi Allah wadai da hallaka dan Sanata Bala Na'Allah da aka yi

Shugaba Buhari ya yi Allah wadai da hallaka dan Sanata Bala Na'Allah da aka yi

  • Shugaban kasa Muhammadu Buhari ya yi Allah wadai da kashe Abdulkarim Bala Na'Allah
  • A karshen makon nan ne aka hallaka Abdulkarim Bala Na'Allah a cikin gidansa dake Kaduna
  • Shugaba Buhari ya nuna jimami, ya kuma ba da tabbacin ci gaba da kare 'yan Najeriya daga ta'addanci

Abuja - Shugaban kasa Muhammadu Buhari ya bayyana “matukar bakin ciki” bayan kisan Kyaftin Abdulkareem, dan farko na Sanata Bala Na’Allah a jihar Kaduna, Leadership ta ruwaito.

A karshen makon nan ne wasu 'yan ta'adda suka shiga dan sanatan, inda suka daure shi da igiya suka makure shi har ya mutu.

Jama'a da dama sun bayyana jimami da mutuwar Abdulkarim, wanda ya kasance matukin jirgin sama kuma mazaunin jihar Kaduna.

Read also

Kwamishinan 'yan sanda ya ba da umarnin a binciko wadanda suka kashe dan sanata

Shugaba Buhari ya yi Allah wadai da hallaka dan Sanata Bala Na'Allah da aka yi
Shugaba Buhari | Hoto: premiumtinesng.com
Source: Facebook

A nasa bangare, shugaba Buhari ya ce:

"Mutuwar Abdulkareem wani abu ne mai ban tsoro a cikin kalubalen tsaron da muke fuskanta a yanzu, amma ina tabbatar wa 'yan Najeriya cewa jajircewata ta kare rayuka da dukiyoyin dukkan 'yan Najeriya na nan daram."
"Ina bakin cikin rashin Abdulkareem da sauran wadanda tashin hankali ya rutsa da su kuma ina fatan yin kira ga 'yan Najeriya da su taimaka wa jami'an tsaron mu da bayanan sirri domin bin diddigi da gurfanar da wadannan gungun 'yan ta'adda a gaban shari'a,."

Masu ba tsageru bayanan sirri suna cutar da al'ummarsu ne kawai

A cewar Shugaba Buhari:

“Nazarin dan adam yana da mahimmanci ga kokarin shawo kan wadannan masu aikata laifuka; wadanda ke aiki a matsayin masu ba da bayanai ga masu aikata laifuka suna lalata al'ummominsu don jin dadin kudi."

Read also

Shugaba Buhari: Zan yi maganin masu ta da hankali da kashe-kashe a Jos

A karshe shugaba Buhari ya yi addu'ar Allah ya jikan Abdulkarim Bala Na'Allah, kana ya mika ta'aziyyarsa ga Sanata Bala Na'Allah, in ji Tribune Nigeria.

Ya kamata sojoji su zage dantse: Buhari ya yi martani mai zafi kan harin NDA

A wani labarin, Shugaban kasa Muhammadu Buhari ya ce harin baya-bayan nan da aka kai Cibiyar Kwalejin Tsaro ta Najeriya (NDA) a Kaduna zai taimaka wajen kara azama, kaimi da sa karfin soji wajen kawo karshen tashin hankali a kasar.

Shugaban na Najeriya ya bayyana cewa:

"Wannan mummunan aikin zai hanzarta kawar da munanan abubuwan da ke faruwa, wanda membobin rundunar sojin suka kuduri aniyar aiwatarwa cikin kankanin lokaci."

Source: Legit.ng

Online view pixel