Tsohon sanatan Najeriya ya mayar da martani bayan hotonsa ya sake bayyana tare da dan damfara, Hushpuppi
- Tsohon dan majalisar dattijan Najeriya, Dino Melaye, ya yi watsi da hasashen cewa yana jin kunyan hoton da ya dauka tare da dan damfara da aka kama, Hushpuppi
- Dan siyasar a cikin wata sanarwa ya bayyana cewa ba shi da dalilin boyewa saboda hoton da ya dauka tare da wani
- Ramon Olorunwa Abass, wanda aka fi sani da Hushpuppi, a yanzu haka yana fuskantar shari'a a wata kotun Amurka bisa zargin zamba
Ga dukkan alamu, tsohon sanatan Najeriya, Dino Melaye, bai damu da yada hotonsa da ake yi ba tare da ɗan damfara, Ramon Olorunwa Abass, wanda aka fi sani da Hushpuppi.
Melaye a cikin wata sanarwa ta shafinsa na Facebook a ranar Asabar, 7 ga watan Agusta, ya musanta rahotannin da ke cewa ya yi kira ga jama’a da su daina yada hotunansa da fitaccen dan damfara.
Asali: Facebook
Ya bukaci duk wanda ke son yada hotonsa da Hushpuppi da ya yi hakan.
Ya ce:
“Babu wani lokaci da na nemi mutane da su daina sanya hotunana tare da Hushpuppi ko wani don wannan lamarin saboda babu dalilin hakan.
“Ni mashahurin dan siyasa ne, don Allah a ci gaba da yadawa jare. Abun da tsuntsu ya ci da shi zai tashi. SDM ''
Ofishin Abubakar Malami ya magantu kan zargin da ake wa Abba Kyari
A wani labarin, Ofishin ministan Shari'a Abubakar Malami, ta ce har yanzu ba ta karbi wata takarda a hukumance daga cibiyar binciken Amurka ta FBI ba da ke neman damar kame mataimakin kwamishinan 'yan sanda, Abba Kyari.
Wannan ya fito ne daga bakin mataimaki na musamman ga ministan, Umar Gwandu yayin wata tattaunawa ta wayar tarho da wakilin jaridar Punch.
FBI ta zargi Abba Kyari da karbar cin hanci daga hannun Hushpuppi, wani dan damfara dake fuskantar zaman kotu a Amurka, bayan kame masa wani abokin harkallarsa.
Asali: Legit.ng
