Wata mata ta shiga wajen bikin cikarta shekaru 50 a akwatin gawa, bidiyon ya haddasa cece-kuce

Wata mata ta shiga wajen bikin cikarta shekaru 50 a akwatin gawa, bidiyon ya haddasa cece-kuce

  • Wata baiwar Allah tayi bikin cikar ta shekaru 50 a cikin wani yanayi da ba a saba gani ba lamarin da ya jefa kafafen sada zumunta cikin rudani
  • A cikin bidiyon da ke yawo, matar ta isa wurin da za a yi bikin ranar haihuwar a cikin akwatin gawa na gilashi
  • Bayan ta isa cikin yanayi da ba a saba gani ba, an taimaka mata ta fito sannan aka mika mata lasifika inda ta rera waka

Zagayowar ranar haihuwa lokaci ne na musamman a rayuwar mutum kuma wata baiwar Allah ta yi nata cikin wani yanayi da ba za a taba mantawa da shi ba.

Matar wacce ta zama abun magana a shafukan sada zumunta tayi bikin cikar ta shekaru 50 a duniya sannan ta isa wurin taron cikin wani yanayi da ba a saba gani ba.

KU KARANTA KUMA: Kyawawan hotunan ‘yar Najeriya da ta yi wuf da wani Bature, jama’a sun yi cece-kuce

Read also

Kyawawan hotunan ‘yar Najeriya da ta yi wuf da wani Bature, jama’a sun yi cece-kuce

Wata mata ta shiga wajen bikin cikarta shekaru 50 a akwatin gawa, bidiyon ya haddasa cece-kuce
An gano matar a cikin akwatin gilashi Hoto: @gossipboyz1
Source: Instagram

A cikin bidiyon da @gossipboyz1 ya wallafa a Instagram, an kawo matar wurin taron a cikin akwatin gawa na gilashi.

Yayinda ta isa wurin, baƙi sun taimaka mata wajen fitowa daga cikin akwatin. Daga nan sai aka bai wa matar da ba a san ko wacece ba lasifika inda ta rera waka don burge bakin.

An yi cece-kuce kan bidiyon

@goglownatural_skincare ta rubuta:

"Me wannan ke nufi yanzu idan an fada mata cewa za ta mutu yanzu za ta fara kuka.”

@sharon_jamaican_biafan ya ce:

"Menene dalilinta na aikata hakan? Abin rashin tunani da na gani a yau!"

KU KARANTA KUMA: Bidiyo ya nuna lokacin da mai martaba sarkin Kajuru ya fashe da kuka bayan masu satar mutane sun sako shi

@scopicsgg yayi sharhi:

"Ba zan iya kallon zuwa karshen ba, da gaske abubuwa suna faruwa a wannan duniyar."

@pappy_horris ya bayyana:

"Da ta mutu a cikin akwatin ko dai wannan na yiwa Ubangiji ba’a ne.”

Read also

Kishi: Wani soja ya fusata ya bindige masoyiyarsa saboda zafin kishi

A wani labarin, wani mai ikirarin Fasto ne shi mai suna Omosebi Fred, ya gurfana a gaban kotu kan zargin karkatar da kudin cocin har na naira miliyan 15 da rabi.

An gurfanar da Adeola a gaban Babbar Kotun Tarayya da ke zama a Abuja da Hukumar Yaki da Masu Yi wa Tattalin Arziki Tu’annati (EFCC) kan tuhume-tuhume 11 kan zargin karkatar da kudin cocin.

Zarge-zargen, a cewar hukumar yaki da cin hanci da rashawa, sun hada da zargin "hada baki da cin amanar mukamin ofis da karkatar da kudade."

Source: Legit

Online view pixel