Sabuwar Rigima ta ɓarke tsakanin manyan Jam'iyyu biyu APC Da PDP a jihar Lagos
- An shiga musayar yawu tsakanin jam'iyya mai Mulki, APC, da kuma babbar abokiyar hamayyarta PDP a jihar Lagos kan adadin mutanen da APC tayiwa rejista
- Shugaban kwamitin yin rijistar APC na jihar Lagos, Dr. Muhammad Bashiru, yace sunyi wa mutane 2.5 miliyan rijistar zama yan jam'iyya a faɗin jihar
- Sai-dai jam'iyyar PDP ta yi watsi da zancen, inda tace wannan shiryayyen abune da APC tayi don jawo hankalin mutane
An samu ɓarkewar hayaniya a siyasar jihar Lagos bayan Jam'iyya mai mulki APC ta bayyana cewa ta yiwa mutane 2.5 miliyan rijistar jam'iyya a jihar Lagos lokacin da jam'iyyar ta gudanar da yin rijistarta a faɗin ƙasar nan.
KARANTA ANAN: Da Ɗuminsa: Boko Haram sun fara kafa tutocin su a wasu sassan Geidam
Shugaban kwamitin yin rijistar APC, Dr. Muhammad Bashiru, shine ya bayyana haka yayin da yake gabatar da bayanin yadda aikin ya gudana ga shuwagabanni.
Bashiru yace kimanin mutane 2.5 miliyan ne aka yiwa rijistar a faɗin kananan hukumomi 20 na jihar kamar yadda Dailytrust ta ruwaito.
Amma babbar jam'iyyar hamayya ta PDP, ta bayyana adadin da APC ta faɗa da cewa ƙarya ce kawai.
Asali: UGC
KARANTA ANAN: Masallacin An-Noor dake Abuja Ya Tara Biliyan N1.3bn Domin Yin Wani Muhimmin Aiki
Mai magana da yawun jam'iyyar PDP a jihar, Taofic Gani, ya bayyana APC da jam'iyyar maƙaryata, yace yanzun mutanen jihar basu son APC.
"Wannan bashi ne karon farko da APC tayi wannan ƙarin ba, kowa yasan ƙarya ce kawai. Sabida haka 2.5 miliyan da suka faɗa karyane da kuma ƙage." inji Gani.
Amma kakakin jam'iyyar APC a jihar Lagos ɗin, Seye Oladejo, yace jam'iyyar su zata tabbatar da maganarta a lokacin zaɓen ƙananan hukumomi dake tafe ranar 24 ga watan Yuli.
A wani labarin kuma Shugaba Buhari ne Babban Maƙiyin Haɗin kan Najeriya, inji shugaban ƙungiyar Yarbawa
Shugaban ƙungiyar yarbawa ta Afenifere, Ayo Adebanjo, yace shugaba Buhari ne babban wanda baison ganin cigaban Najeriya.
Adebanjo yace ba yadda za'a yi sojoji su ƙaƙabama yan Najeriya wannan kundin tsarin mulkin tun 1966 amma Buhari yaƙi yarda a canza shi kuma yace shi mai kishin ƙasa ne.
Asali: Legit.ng
