Hotunan kamfen din takarar shugaban kasa na Bukola Saraki sun cika garin Abuja

Hotunan kamfen din takarar shugaban kasa na Bukola Saraki sun cika garin Abuja

- An ga wasu fastocin yakin neman takarar shugaban kasa a Abuja na Abubakar Bukola Saraki

- Lamarin ganin fastocin ya kara ruruta jita-jitar cewa nan gaba zai bayyana aniyarsa ta tsayawa takara

- Sai dai, mai taimaka masa ta fuskar yada labarai ya ce Bukola Saraki bai san komai game da hotunan ba

Hotunan kamfen na tsohon Shugaban Majalisar Dattawa, Dakta Bukola Saraki sun bayyana a wurare masu ban mamaki a Abuja a ranar Talata, abin da ya kara ruruta jita-jitar cewa nan ba da dadewa ba zai bayyana aniyarsa ta tsayawa takarar shugaban kasa a 2023.

An ga wasu fastocin a yankin Wuse na babban birnin tarayya da kuma sakateriyar kasa ta jam’iyyar PDP wanda aka fi sani da Wadata House a Abuja.

KU KARANTA: Ku mayar da hankali kan rashin tsaro, ba sanya dokar hijabi ba, CAN ga majalisar wakilai

Hotunan kamfen din takarar shugaban kasa na Bukola Saraki sun cika garin Abuja
Hotunan kamfen din takarar shugaban kasa na Bukola Saraki sun cika garin Abuja Hoto: theguardian.ng
Source: UGC

An nuna hoton Saraki a cikin hoton da aka lika, "Sake saita Najeriya a 2023: Abubakar Bukola Saraki a matsayin Shugaban Kasa."

Mai taimaka masa ta fuskar yada labarai, Yusuph Olaniyonu, ya fada wa jaridar Punch a wata hira ta wayar tarho cewa shugaban Bukola Saraki bai san komai ba a kan fastocin.

KU KARANTA: Matar gwamnan Zamfara ta tabbatar da nadin membobin Miyetti Allah 20 a gwamnati

A wani labarin, Tsohon shugaban kasar Najeriya Goodluck Jonathan ya ba da shawarar bukatar yin dokar da za ta hana kotuna bayyana wanda ya ci zabe, gidan talabijin na Channels ta ruwaito.

Da yake zantawa da manema labarai ranar Litinin a Abuja, Jonathan ya dage kan cewa yanayin da aka ba wa bangaren shari’a damar bayyana wadanda suka ci zabe saboda magudi bai kamata a kyamace shi ba, saboda ya saba wa dimokiradiyya.

Ya ce : "Na riga na yi bayani a bainar jama'a a kan hakan don cewa takardar jefa kuri'a ba bangaren shari'a ba ne zai tantance wanda zai ci zabe ko kuma ya zabi shugabannin siyasa. Kamata ya yi takardar zaben ta kasance ita kadai ce tushen zabar shugabannin siyasa."

Source: Legit.ng News

Online view pixel