Fasinjoji 13 sun mutu, dabobi 70 sun halaka a Katsina yayin da babbar mota ta yi ƙundunbala

Fasinjoji 13 sun mutu, dabobi 70 sun halaka a Katsina yayin da babbar mota ta yi ƙundunbala

- Wata mummunar hatsarin mota ta yi sanadin rasuwar mutum 13 da dabobi 70 a Katsina

- Hatsarin ya faru ne sakamakon faduwa da wata babbar mota ta yi a hanyar Kaita zuwa Dankama

- Gwamnatin Katsina ta dauki nauyin yi wa wadanda suka rasu jana'iza tare da yi wa wadanda abin ya ritsa da su magani

A kalla mutane 13 ne suka riga mu gidan gaskiya kuma wasu da dama sun jikkata a daren ranar Laraba yayin da wani babban mota da ke hanyarsa ta zuwa Legas ya yi hatsari a titin Kaita zuwa Dankama.

Shaidu sun ce babbar motar da ke dauke da mutane da dama da kananan dabobi tana tsula gudu ne bayan ta baro kasuwar kan iyaka da ke Dankama a lokacin da ta juye ta yi kundunbala.

A kalla dabobi guda 70 ne suka mutu sakamakon hadarin kamar yadda Daily Trust ta ruwaito.

Fasinjoji 13 sun mutu, dabobi 70 sun halaka a Katsina yayin da babbar mota ta yi ƙundunbala

Fasinjoji 13 sun mutu, dabobi 70 sun halaka a Katsina yayin da babbar mota ta yi ƙundunbala. Hoto: @daily_trust
Source: Twitter

DUBA WANNAN: Yadda matashi ya yi garkuwa da mahaifinsa ya karbi naira miliyan 2 kuɗin fansa

An ruwaito cewa an kai gawarwarkin mutanen 13 da suka rasu zuwa babban asibitin Katsina inda yan uwansu suka karbi gawarwarkin don musu jana'iza sai dai wasu shida cikinsu yan jamhuriyar Nijar.

Mataimakin shugaban Yan asalin kasar Nijar a Najeriya, reshen Jihar Katsina, ya bayyana fargabarsa game da hatsarin ya kuma yi wa gwamnatin Katsina godiya bisa daukan nauyin jana'izar da yi wa wadanda suka jikkata magani.

Gwamnatin Katsina ta aike da tawaga zuwa wurin jana'izar 'yan Nijar din shida da aka birne a makabartar Dam Takum a Katsina bayan an musu salla a asibitin da Imam Yahaya ya jagoranta.

KU KARANTA: Wanda na fara sace wa shine tsohon saurayi na da ya ƙi aure na, in ji mai garkuwa, Maryam

Tawagar ta kunshi kwamishinan kananan hukumomi Alhaji Ya’u Umar Gwajo-Gwajo, Na wasanni da Cigaba, Alhaji Sani Aliyu Danlami, Babban mataimaki na musamman, Alhaji Sabo Musa da Shugaban mulki na karamar hukumar Kaita da sauransu.

Kazalika, tawagar ta yi wa sauran wadanda hatsarin ya ritsa da su a asibitocin da aka kwantar da su.

A wani labarin nan daban, Gwamnatin Jihar Kano ta umurci ma'aikatanta a jihar su zauna gida a matsayin wani mataki na dakile yaduwar annobar korona karo na biyu a jihar, Daily Trust ta ruwaito.

Gwamnatin ta kuma bada umurnin rufe dukkan gidajen kallo da na yin taro a jihar sakamakon karuwar adadin masu dauke da kwayar cutar COVID 19 a jihar.

Kwamishinan watsa labarai na jihar, Malam Muhammad Garba ne ya sanar da sabbin dokokin yayin taron manema labarai da ya kira a ranar Talata inda ya ce an dauki matakin ne yayin taron masu ruwa da tsaki da aka yi a ranar Litinin.

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Source: Legit

Online view pixel