Alurar rigakafin COVID-19 ba ta dauke da microchip, in ji FG ga 'yan Najeriya

Alurar rigakafin COVID-19 ba ta dauke da microchip, in ji FG ga 'yan Najeriya

- Gwamnatin tarayya ta tabbatarwa 'yan Najeriya cewa allurar rigakafin korona bata dauke da komai

- FG ta bayyana cewa sai an yi gwajin allurar a NAFDAC kafin a yi wa 'yan Najeriya

- Gwamnatin ta tabbatar cewa babu wani abu mai cutar da lafiya tattare cikin allurar rigafin ta korona

Hukumar wayar da kan jama’a ta kasa ta yi karin haske kan cewa allurar rigakafin kwayar cutar korona da Gwamnatin Tarayya za ta sayo ba ta dauke da fasahar tattara bayanai (microchips).

Hukumar ta fadi haka ne a cikin jerin sakonnin tweets mai taken ‘Abubuwan da ya kamata a sani game da allurar rigakafin # COVID19!’ A ranar Lahadi.

Akan ko allurar rigakafin ta COVID-19 ta ƙunshi fasahar tattara bayanai (microchip), hukumar Gwamnatin Tarayya ta ce Ma’aikatar Kiwon Lafiya za ta tabbatar da allurar rigakafin kafin a yi ta.

KU KARANTA: APC tayi tir da tarzomar Amurka, ta roki Trump da yayi koyi da Buhari

Alurar rigakafin COVID-19 ba ta dauke da microchip, in ji FG ga 'yan Najeriya

Alurar rigakafin COVID-19 ba ta dauke da microchip, in ji FG ga 'yan Najeriya Hoto: The Premium Times
Source: Twitter

Ya ce, “A’a! Alurar riga kafi ta COVID-19 ba ta ƙunshe da wani abu mai cutarwa ko fasahar tattara bayanai. Dukkanin alluran da suka hada da allurar rigakafin COVID-19 an kera su ne ta hanyar bin ƙa'idodin WHO.

"Har ila yau, kafin a yi allurar rigakafin a Najeriya, NAFDAC za ta gwada ta kuma tabbatar da cewa ba ta da wata illa ga amfanin dan adam."

Game da ko allurar za ta iya kamuwa COVID-19, NOA ta ce, “Za a sanya maganin a dakin gwaje-gwaje don tabbatar da lafiya kafin a yi wa mutane.

“A’a! maganin ba zai iya sanya mu ku COVID-19 ba. Ana nufin kare ku daga kamuwa da COVID-19. Da zarar allurar rigakafinka ta cika, ka zama mai kariya. ”

Har ila yau, ya fayyace cewa maganin na COVID-19 ba zai canza bayanin kwayar halittar mutum ba - Deoxyribonucleic acid (DNA).

KU KARANTA: Amotekun sun kashe uba da 'ya'yansa biyu a Oyo

“Babu wata hujja ta kimiyya da ke nuna cewa rigakafin #COVID19 zai canza ko ya shafi bayanan halittar mutum (DNA).

“A’a! Alurar rigakafin COVID-19 ba ta canza DNA ɗinka, yana haifar da amsar rigakafin da za ta kare jikinka daga ƙwayoyin cuta idan ka ci karo da su. Da zarar an kare kai da sauran jama’ar ku, to sai a rage yiwuwar yaduwar cutar. ”

A wani labarin, Wata sabuwa kuma mafi yaduwar kwayar cutar Korona a yanzu ta bazu zuwa akalla jihohin Amurka takwas, jaridar The Punch ta ruwaito.

Bayanan hukuma sun nuna a ranar Juma’a cewa, kasar ta shiga wani sabon yanayi na karuwar yaduwar Korona fiye da na yau da kullum.

Kwayar B117 ta coronavirus, wacce ta ɓullo a Biritaniya a ƙarshen shekarar da ta gabata, an nuna cewa tsakanin 40% zuwa 70% cikin ɗari yana saurin yaɗuwa fiye da nau'ukan da suka bazu a baya.

Domin sauke manhajar labaran Legit.ng a wayar ku ta hannu, latsa wannan rubutu na kasa:

https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Source: Legit Newspaper

Online view pixel