Amurka: Sabuwar Korona ta sake kunno kai a jihohi takwas

Amurka: Sabuwar Korona ta sake kunno kai a jihohi takwas

- An gano wata sabuwar annobar korona na yaduwa da sauri a wasu jihohin Amurka

- Wani babban masanin cututtuka masu harbuwa ya bayyana yiwuwar samun cutar a wurare dadan-daban

- Sai dai CDC sun musanta samuwar annobar domin babu rahoton da bayyana haka inji su

Wata sabuwa kuma mafi yaduwar kwayar cutar Korona a yanzu ta bazu zuwa akalla jihohin Amurka takwas, jaridar The Punch ta ruwaito.

Bayanan hukuma sun nuna a ranar Juma’a cewa, kasar ta shiga wani sabon yanayi na karuwar yaduwar Korona fiye da na yau da kullum.

Kwayar B117 ta coronavirus, wacce ta ɓullo a Biritaniya a ƙarshen shekarar da ta gabata, an nuna cewa tsakanin 40% zuwa 70% cikin ɗari yana saurin yaɗuwa fiye da nau'ukan da suka bazu a baya.

KU KARANTA: Chasun Badala: Kaduna ta gurfanar da kakakin PDP tare da wasu da laifin yunkurin aikata badala

Amurka: Sabuwar Korona ta sake kunno kai a jihohi takwas

Amurka: Sabuwar Korona ta sake kunno kai a jihohi takwas Hoto: BBC
Source: Facebook

Bayanai daga Cibiyoyin Kula da Cututtuka na Amurka sun nuna a ranar Juma'a cewa an gano nau'in - wanda aka fara ba da rahotonsa a cikin Amurka a makon da ya gabata - a cikin jihohi takwas, tare da California da Florida waɗanda ke fama da cutar.

An kuma gano irin wannan kwayar cuta a jihohin Colorado, Texas, New York, Georgia, Connecticut da Pennsylvania, a cikin jimillar mutane 63.

Babban masanin cututtuka masu harbuwa na Amurka Anthony Fauci ya fada wa jaridar Newsweek ranar Laraba cewa bambancin na iya zama "ta yadu a Amurka fiye da yadda muke ganowa yanzu".

"Na tabbata tana nan, kawai ba mu gano ta ba ne tukuna. Kuma ina ganin ta bayyana karara cewa idan ta kasance a wurare kamar California, da New York da Colorado… cewa nan ba da jimawa ba zata kasance a wasu jihohi da yawa," in ji shi.

Yaduwar B117 da wani nau'in kwayar cuta mai saurin yaduwa daga Afirka ta Kudu, da aka sani da B1351, ya haifar da fargabar irin wannan sabon nau'in da ya kunno kai a Amurka.

Amma jami’an Amurka a ranar Juma’a sun karyata rahotannin da ke cewa an gano daya kawo yanzu.

KU KARANTA: Najeriya yanzu ta zama babbar kango ta yaudara, in ji Bishop Kukah

Kakakin CDC Jason McDonald ya fada wa CNBC cewa: "Masu bincike suna lura da matsalolin Amurka tun lokacin da annobar ta fara, gami da samfura 5,700 da aka tattara a watan Nuwamba da Disamba,"

"Har zuwa yau, babu masu bincike ko manazarta a CDC da suka ga bayyanar wata kwayar cuta a Amurka kamar yadda aka gani tare da bayyanar B.1.1.7 a Burtaniya ko B.1.351 a Afirka ta Kudu."

Kusan mutane 290,000 suka harbu da kwayar cutar korona a Amurka a cikin sa’o’i 24 na ranar Juma’a a cewar jami’ar Johns Hopkins, kwana guda bayan da ƙasar da ta fi fama da bala’in a duniya ta bayyana kusan kowace rana mutane 4,000 ke harbuwa.

A wani labarin daban, Kotun Bagadaza ta ba da sammacin kame Shugaban Amurka Donald Trump a wani bangare na binciken da take yi game da kisan wani babban kwamandan sojojin Iraqi.

Abu Mahdi al-Muhandis, mataimakin shugaban kungiyar ta Iraqi da ke goyon bayan Iran Hashed al-Shaabi, ya mutu a wannan harin da Amurka ta kai.

A harin ne janar din Iran Qasem Soleimani ya mutu a filin jirgin saman Bagadaza a ranar 3 ga Janairun bara. Trump ne ya ba da umarnin harin da jirgi mara matuki a kan ayarin motocinsu, wanda daga baya ya fitar da bayanin cewa hakan daukar fansar "maza biyu a kan farashin daya" ne.

Domin sauke manhajar labaran Legit.ng a wayar ku ta hannu, latsa wannan rubutu na kasa:

https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Source: Legit Nigeria

Online view pixel