COVID-19: Rwanda ta sanya sabon dokar hana fita

- Kasar Ruwanda ta sanya sabon dokar hana fita sakamakon qara yaduwar COVID-19

- Kasar sai dai ba ta rufe shiga ba don yawon bude ido matukar an kiyaye dokokin da a ka sanya

- Kasar na ci gaba da tattaunawa da kasashen da ke da rigakafin cutar don yi ma marasa karfi

Ruwanda a ranar Talata ta hana zirga-zirga a ciki da wajen Kigali babban birnin kasar kuma ta tsawaita dokar hana zirga-zirga da yamma na karin wasu makonni uku a yayin wani mummunan rikici na biyu na kwayar cutar coronavirus, The Punch ta ruwaito.

Ruwanda, wacce a cikin watan Maris din bara ta kasance ɗaya daga cikin ƙasashe na farko a Afirka da ke sanya dokar hana fita, ta fidda rahoton mutuwar mutane 105 daga Covid, rabin sun mutu ne a watan Disamba kawai.

A yammacin Litinin ofishin firaminista ya fitar da sanarwa da ke ba da umarnin sabbin matakan, fara aiki daga Talata da kuma na kwanaki 15 masu zuwa.

KU KARANTA: Babbar Magana: Akwai yiyuwar barkewar sabon yajin aiki a Jami'o'i

Dukkanin zirga-zirgar motocin gwamnati da na masu zaman kansu a ciki da wajen Kigali, da tsakanin gundumomi daban-daban an dakatar da su.

An kara dokar hana fita 8:00 pm zuwa 4:00am na safe kuma an umarci dukkan 'yan kasuwa da su rufe da karfe 6:00 na yamma.

“Za a ba da izinin tafiya ne kawai saboda dalilai na lafiya da mahimman ayyuka. Bugu da kari, motocin da ke jigilar kayayyaki za su ci gaba da aiki ba tare da mutane fiye da biyu a ciki ba, ” in ji sanarwar.

Yawon shakatawa - babbar hanyar samun kudaden waje - za a bar shi ya ci gaba, tare da masu yawon bude ido na cikin gida da na kasashen waje da ke bayan gwajin na Covid-19 don yawo cikin kasar.

An riga an buƙaci baƙin yawon buɗe ido na ƙasashen waje su gabatar da gwajin ko basu dauke da cutar don shiga ƙasar, kuma su ɗauki wani lokacin da suka iso, tare da keɓance kansu na awa 24 yayin jiran sakamako.

Adadin kamuwa a Rwanda ya karu daga 0.5% cikin 100% a farkon Nuwamba zuwa 7.6% a ranar Litinin, tare da jimilar kamuwa da cutar 8,848.

"Garin na bukatar a rage mu'amalar jama'a da takaita motsi don muhimman aiyuka," in ji sanarwar.

Tun farkon Disamba, an haramta duk tarurrukan zamantakewar jama'a da abubuwan da suka hada da bukukuwan aure na addini, liyafa, tarurruka da taro.

An rufe mashaya da wuraren shakatawa tun daga Maris 2020.

KU KARANTA: Allurar rigakafin COVID-19: Damuwa kan Sayen ta, Adana ta da Gudanar da ita

Gwamnatin Ruwanda ta ce tana tuntubar masu kera allurar rigakafin guda biyu - AstraZeneca, wani kamfanin harhada magunguna na Biritaniya da Sweden, da kamfanin kimiyyar kere-kere na Amurka Moderna - don siyan allurai don masu karamin karfi.

‘Yan sandan Ruwanda sun ce an kama mutane kusan 57,000 saboda karya matakan da aka dauka mako kafin da kuma bayan Kirsimeti, yayin da aka kame kusan motoci dubu saboda karya dokar hana fita.

A wani labarin, Wani asibiti a Warsaw yana cikin tashin hankali saboda yin allurar rigakafin COVID-19 ga mashahurai da 'yan siyasa, wanda ya haifar da fushin jama'a kuma ya haifar da binciken gwamnati wanda ya fara a ranar Litinin, jaridar The Punch ta ruwaito.

Poland, wacce kamar yawancin kasashen Turai ta fara aikin rigakafin ta ne a ranar 27 ga Disamba, wanda ya kamata ta yiwa ma'aikatan lafiya allurar rigakafin ne a karkashin shirin gwamnati.

Amma asibitin likitanci na Warsaw a makon da ya gabata ya ce ya kuma yi wa wasu mutane 18 rigakafin wadanda ake son su yi aiki a matsayin jakadu na kamfen din yada rigakafin.

Domin sauke manhajar labaran Legit.ng a wayar ku ta hannu, latsa wannan rubutu na kasa:

https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng