Ruhi mai tsarki: Miji ya saki matarsa saboda ta hana ya sadu da ita
- Miji ya nemi a raba auransu da matarsa saboda ta hana ya yi mu'amalar aure da ita
- A cewar mijin, fasto din matarsa ne ya hana ta tara da shi saboda wai tana dauke da cikin ruhi mai tsarki
- Ya zargi matarsa da jin maganar fasto din fiye da nashi duk da cewar a karkashinsa ta ke
Wani magidanci da ya gaji da halin matarsa na hana masa hakkinsa na auratayya bisa hujjar cewa tana dauke da cikin ruhi mai tsarki, ya nemi a raba aurensu.
Mutumin wanda ya kasance dan kasar Zambiya ya yi ikirarin cewa tun watan Yuli rabon da matarsa ta bari ya kusanceta da sunan auratayya.
KU KARANTA KUMA: Da zafinsa: Sojoji sun yi ƙulin ƙulin Kubura da mayaƙan Boko Haram a Sambisa
Asali: Twitter
Ya ce tana hana shi hakkinsa saboda wani manzo na coci da take tuntuba tun a shekarar 2018 ya fada mata cewa kada ta yarda ta hada gado dani domin tana dauke da cikin ruhi mai tsarki wanda ake kira da “Holy Spirit” a turance, jaridar The Nation ta ruwaito.
mutumin ya yi zargin cewa matarsa mai shekaru 38, ta fi jin maganar limamin cocin fiye da nashi, sannan cewa a duk lokacin da ya nemi hakkinsa na aure sai ta tuntube shi.
KU KARANTA KUMA: Ikon Allah sai kallo: Bidiyon wani mutum yana rabon fada tsakanin kaji biyu
A gefe guda, wani al'amari mai firgitarwa ya faru a jihar Benue, inda wani Nicodemus Nomyange, mai shekaru 40 da haihuwa, ya banka wa kansa da budurwarsa, Shinnenge Pam, wuta, a anguwar Inikpi.
The Nation ta ruwaito yadda Nomyange, wanda yake da yara kuma ya jima yana soyayya da Pam na wani lokaci, ya bukaci aurenta.
Domin sauke manhajar labaran Legit.ng a wayar ku ta hannu, latsa wannan rubutu na kasa: https://play.google.com/store/apps/details?id=com.naij.hausa
Ku biyo mu a shafukanmu na dandalin sada zumunta:
Facebook: https://facebook.com/legitnghausa
Twitter: https://twitter.com/legitnghausa
Idan kuna da wata shawara ko bukatar bamu labari, Tuntube mu a: labaranhausa@corp.legit.ng
Asali: Legit.ng
