Jihar Kaduna na alfahari da Balarabe Musa – Elrufai
- Gwamna Nasir Ahmad El-Rufai na jihar Kaduna ya mika ta'aziyyarsa a kan mutuwar tsohon gwamnan jihar, Alhaji Balarabe Musa
- El-Rufai ya ce jihar Kaduna na alfahari da marigayin kuma za a dunga tunawa da shi saboda gudunmawar da ya ba jihar da Najeriya
- Ya bayyana marigayin a matsayin mutum mai kishin kasa domin tabbatar da damokradiyya da adalci ga talakawa
Gwamnan jihar Kaduna, Mallam Nasir El-Rufai, ya bayyana cewa gwamnatinsa na matukar alfahari da aikin da Alhaji Balarabe Musa, gwamnan tsohuwar Kaduna ya yi wa jihar da mutanenta.
A wani jawabi da babban mai bashi shawara a kafofin watsa labarai, Mista Muyiwa Adekeye ya saki a ranar Laraba, ya bayyana cewa ya aika sakon ta’aziyyarsa zuwa ga iyalan Alhaji Balarabe, biyo bayan rasuwar tsohon gwamnan.
El-Rufai ya bayyana cewa “za a dunga tunawa da Alhaji Balarabe Musa a matsayin nagartaccen dan siyasa wanda a lokacin da yayi gwamna ya yi kokarin samawa talakawa damammaki.”
KU KARANTA KUMA: Wata sabuwa: Yan daba sun farmaki ofishin ƴan sanda, mutane 2 sun mutu
Asali: Twitter
A cewar gwamnan, marigayin “ya bayar da gagarumin gudunmawa wajen azurta jihar da masana’antu.
“A matsayinsa na shugaba, ya nuna bajinta, da ikon jam’iyyar siyasa da ke muradin kare ra’ayin talakawa domin samar da mulki bisa tafarkin damokradiyya.
El-Rufai ya yi nuni ga cewa: “a matsayinsa na dan kasa mai zaman kansa, ya kimanta ingancin manufar siyasa, mutunci, daidaito da kuma jajircewa don inganta rayukan talakawanmu a jihar Kaduna da Najeriya.
KU KARANTA KUMA: Saboda yaɗa labarin ƙarya: IGP Adamu ya maka tsohon gwamnan Imo kotu
“Duk da lamuran da suka kai ga tsige shi daga ofishin gwamna, Alhaji Balarabe Musa ya ci gaba da jajircewa a kan manufofinsa da kuma fadar ra’ayinsa a koda yaushe, fitowa wajen nuna kishin kasa a bainar jama’a domin kare damokradiyya, da kuma inganta adalci a cikin mutane."
A gefe guda, Shugaba Muhammadu Buhari ya aika sakon ta'azziyarsa ga iyalan tsohon gwamnan jihar Kaduna, Alhaji Balarabe Musa, wanda ya rasu ranar Laraba, 11 ga Nuwamba, 2020.
Mai magana da yawun shugaban kasa, Garba Shehu, ya bayyana hakan a jawabin da ya saki.
Domin sauke manhajar labaran Legit.ng a wayar ku ta hannu, latsa wannan rubutu na kasa: https://play.google.com/store/apps/details?id=com.naij.hausa
Ku biyo mu a shafukanmu na dandalin sada zumunta:
Facebook: https://facebook.com/legitnghausa
Twitter: https://twitter.com/legitnghausa
Idan kuna da wata shawara ko bukatar bamu labari, Tuntube mu a: labaranhausa@corp.legit.ng
Asali: Legit.ng
