Peterside ya ki halartar taron da CBN ta kira sakamakon sauke Sanusi II

Peterside ya ki halartar taron da CBN ta kira sakamakon sauke Sanusi II

Shugaban kamfanin ANAP Business Jets Limited, Mista Atedo Peterside, ya yi watsi da wani tayi da babban bankin Najeriya ya yi masa na zaman tattaunawa.

Gwamnan CBN, Godwin Emefiele, ya kira wani taro da za a zauna da Masana da manyan ‘yan kasuwa da duk wadanda ke da ilmin harkar tattali a kan tebur.

Atedo Peterside ya nuna cewa ba zai halarci wannan taro ba. Yanzu haka dai ba ya Najeriya inda ya ke wajen wani babban taro na Masana aikin banki a ketare.

Kamar yadda mu ka samu labari daga Jaridar Daily Trust, kasashen da Birtaniya ta raina su na wani taro ne a Yankin Westminster Abbey da ke Birnin Landan.

Takaicin samun labarin manyan abubuwan da su ke faruwa yanzu na tunbuke Sarkin Kano daga ofis ne ya hana Peterside karbar wannan gayyata na bankin CBN.

KU KARANTA: Ganduje: Arewa ta rasa babban Sarkin ta a Sanusi II - Inji El-Rufai

Peterside ya ki halartar taron da CBN ta kira sakamakon sauke Sanusi II

Shugaban ANAP Atedo Peterside ya ji zafin sauke Sarki Sanusi II
Source: Facebook

Haka zalika shugaban bankin IBTC ya yi bakin ciki da jin jawabi cewa za ayi wa tsohon Sarkin na Kano daurin talala yayin da ya ke zaman gudun hijira a wani Kauye.

“Na zabi in kauracewa wannan taro na ku ne domin in yi amfani da wannan dama in jawo hankalin sauran jama’a game da takaici na abubuwan da su ka faru.”

Wasikar ta ce: “Ku yi hakuri, ku gafarce ni, a halin yanzu ba ni da sha’awar fakewa kamar abubuwa su na tafiya daidai har in cigaba da ayyukan da ke gaba na.”

Sai dai Mista Peterside, ya bayyana cewa nan gaba kadan zai tuntubi CBN tare da ba ta shawarwarin yadda za ta magance matsalar tsilla-tsillar tsare-tsarenta.

Idan ku na da wata shawara ko bukatar bamu labari, tuntube mu a: labaranhausa@corp.legit.ng

Latsa wannan domin samun sabuwar manhajar labarai ta Legit.ng Hausa a wayar ku ta hannu:

https://play.google.com/store/apps/details?id=com.naij.hausa&hl=en

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Muhimmiyar sanarwa: Shafin NAIJ.com Hausa ya koma LEGIT.ng Hausa. Mun gode da kasancewa tare da mu.

Source: Legit.ng

Mailfire view pixel