Labarai

'Yan sanda sun kashe asurgumin dan bindiga, Yunusa Boka, da ya addabi kananan hukumomi 2 a Katsina

Laraba, Janairu 22, 2020 at 5:14 Yamma daga Mudathir Ishaq 1 - tsawon mintuna

Rundunar 'yan sanda a jihar Katsina ta kara kashe wani kasurgumin dan ta'adda, Yunusa Boka, wanda ya addabi kananan hukumomin Danmusa da Kankara.

Da yake tabbatar da harbe dan bindigarm kakakin rundunar 'yan sandan jihar Katgsina, DSP Gambo Isah, ya ce jami'an 'yan sanda sun samu nasarar kashe dan bindigar ne a wani atisayen hadin gwuiwa da dakarun soji.

"A jiya (Talata) ne da misalin karfe 6:00 na yamma jami'an 'yan sanda da hadin gwuiwar sojoji suka kai hari sansanin masu garkuwa da mutane dake cikin surkukin dajin Gwarjo dake yankin karamar hukumar Matazu a nan jihar Katsina," a cewarsa.

'Yan sanda sun kashe asurgumin dan bindiga, Yunusa Boka, da ya addabi kananan hukumomi 2 a Katsina — Gawar Yunusa Boka da mao jegon da aka kubutar
Asali: Twitter

Isah ya ce, bayan musayar wuta ta tsawon lokaci da 'yan bindigar, jami'an tsaro sun samu nasarar kubutar da da wata mai jego da jaririnta mai wata bakwai da 'yan bindigar suka yi garkuwa dasu.

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Masu Garkuwa Da Mutane Gwamnan Jihar Katsina Abun Bakin Ciki Yan Fashi Da Makami