'Kai na Daban ne a Siyasa da Kawo Ci Gaba': Tinubu Ya Kwarara Yabo ga Ganduje
- Shugaba Bola Ahmed Tinubu ya taya Dr. Abdullahi Umar Ganduje murnar cika shekaru 75 tare da yabawa da gudunmawar da ya bayar ga ci gaban ƙasa
- Tinubu ya ce Dr. Ganduje ya taka rawa mai muhimmanci a matsayin shugaban jam’iyya wurin ƙarfafa haɗin kai da cimma nasarorin siyasa
- Shugaban ya yi addu’a ga Ganduje, yana fatan ci gaba da nasara, lafiya, da farin ciki a rayuwarsa gaba daya
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Abdullahi Abubakar, Editan Legit Hausa ne ta bangaren siyasa, kasuwanci da al'amuran yau da kullum, ya na da gogewar aikin jarida sama da shekaru uku.
FCT, Abuja - Shugaba Bola Ahmed Tinubu ya taya shugaban APC, Dr. Abdullahi Umar Ganduje murnar zagayowar ranar haihuwarsa.
Tinubu ya tura sakon ne yayin da Ganduje ya cika shekaru 75 a duniya a ranar 25 ga Disambar 2024.
Asali: Twitter
Tinubu ya yabawa Ganduje kan kokarinsa
Hadimin Tinubu a bangaren sadarwa, Dada Olusegun shi ya tabbatar da haka a jiya Laraba 25 ga watan Disambar 2024 a shafinsa na X.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Tinubu ya yaba wa Dr. Ganduje bisa jagorancinsa na ƙwarai, jajircewarsa da gudunmawar da ya bayar wajen ci gaban jihar Kano da Najeriya.
Shugaban ya jinjina wa Ganduje kan nasarorin da jam’iyyar APC ta samu a ƙarƙashin jagorancinsa, wanda ya ƙarfafa haɗin kai da cigaban jam’iyyar.
Tinubu ya fadi gudunmawar Ganduje a siyasa
Har ila yau, Tinubu ya gode wa Dr. Ganduje bisa shawarwarin siyasa da goyon baya mai ƙarfi, ya ƙarfafe shi da ya ci gaba da aiki da irin wannan jajircewa.
Ya jaddada gudunmawar Ganduje ga tabbatar da mulkin dimokuraɗiyya da ayyukan jama’a a matakai daban-daban na gwamnatin ƙasa.
Daga karshe, Tinubu ya yi addu’ar Allah ya ƙara wa Dr. Ganduje lafiya, nasara, da farin ciki, tare da fatan zai ci gaba da inganta jam’iyya da ƙasa baki ɗaya.
Tinubu ya roki yan Najeriya addu'o'i
Kun ji cewa Shugaba Bola Tinubu ya bukaci 'yan Najeriya su rungumi kaunar juna, zaman lafiya da hadin kai yayin bikin Kirsimeti.
Tinubu ya jaddada muhimmancin addu'a da goyon bayan shugabanni don ciyar da Najeriya gaba tare da jawo hankali kan jinƙai ga marasa ƙarfi.
Asali: Legit.ng
