Majalisar Ta Dakatar da Shugabannin Ƙananan Hukumomi 18 da Mataimakansu

• Majalisar dokokin Edo ta dakatar da shugabannin kananan hukumomi 18 na jihar bisa zargin almubazzaranci da rashin ɗa'a
• Wannan mataki ya biyo bayan wasiƙar da Gwamna Okpebholo ya aika majalisar, yana mai cewa ciyamomin sun ƙi kawo masa rahoton kudi
• Bayan zazzafar mahawara a zaman yau Talata, majalisar ta dakatar da ciyamomi da mataimakansu a faɗin kananan hukumomin Edo

Ahmad Yusuf, kwararren edita ne a Legit Hausa da ya shafe tsawon shekaru yana kawo muku rahotannin siyasa, nishadi da al'amuran yau da kullum

Jihar Edo - Majalisar dokokin jihar Edo a ranar Talata, ta dakatar da dukkan zababbun shugabannin ƙananan hukumomi da mataimakansu.

Majalisar ta ce ta dakatar da ciyamomin da nataimakinsu a faɗin kananan hukumomi 18 na jihar Edo bisa zargin almubarrazanci da kudi da rashin ɗa'a.

Jaridar Leadership ta rahoto cewa Majalisar ta dauki matakin ne a zaman yau Talata, 17 ga watan Disamba, 2024 bayan zazzafar muhawara.

Kara karanta wannan

Majalisar dokokin Kano ta fadi matsayarta kan kwamishinonin da Gwamna Abba ya nada

Ta kuma umarci shugabannim majalisun kowace ƙaramar hukuma su karɓi ragamar tafiyar da harkokin gwamnati daga nan zuwa watanni biyu masu zuwa.

Yadda majalisa ta dakatar da ciyamomi 18

Dakatar da ciyamomin da mataimakansu ya biyo bayan kudirin da ɗan majalisa mai wakiltar mazaɓar Esan ta Arewa maso Gabas, Hon. Isibor Adeh ya gabatar

Hon. Donald Okogbe, memba mai wakiltar mazabar Akoko-Edo II ya goyi bayan kudirin nan take.

Tun farko dai Gwamna Okpebholo ya aika wasiƙa ga Majalisar, inda ya sanar da ita cewa ciyamomi sun ƙi miƙa rahoton kuɗi ga gwamnatin jihar Edo.

Dalilin dakatar da shugabannin hananan hukumomi

Gwamnan ya bayyana abin da ciyamomin suka yi na yin fatali da umarninsa a matsayin rashin ladabi da biyayya, ya bukaci majalisar ta duba lamarin.

Yayin muhawara kan kudirin dakatar da ciyamomin, ƴan majalisa 14 sun goyi baya, shida kuma suka ƙi yarda, yayin da uku suka tsaya a tsakiya, rahoton Daily Trust.

Kara karanta wannan

Gwamna ya rusa hukumar zaɓe da wasu hukumomin gwamnati, ya sallami ma'aikata

Gwamnan Edo ya rusa hukumomin gwamnati

Rahoto ya gabata cewa Gwamna Monday Okpebholo na jihar Edo ya. rusa hukumomin gwamnati tare da korar shugabanninsu nan take.

Sakataren gwamnatin Edo ya ce gwamnan ya umarci dukkan shugabannin hukumomin su mika kayan gwamnati da ke hannunsu ga babban jami'in da ke wurin.

Asali: Legit.ng