Gwamna na Kuntatawa Yan Majalisu Masoyan Tsohon Gwamna? Hadiminsa Ya Magantu

• Gwamnatin jihar Benue ga ƙaryata rahoton da ake yaɗawa cewa tana nuna wariya ga wasu yan Majalisar dokoki
• Gwamna Hyacinth Alia shi ya karyata labarin ta bakin hadiminsa a bangaren sadarwa, Solomon Iorpev a jihar
• Wannan na zuwa ne bayan zargin gwamnan da hana wasu yan Majalisu hakkokinsu saboda biyayyarsu ga Sakataren Gwamnatin Tarayya, George Akume

Abdullahi Abubakar, Editan Legit Hausa ne ta bangaren siyasa, kasuwanci da al'amuran yau da kullum, ya na da gogewar aikin jarida sama da shekaru uku.

Jihar Benue - Gwamnan Benue, Hyacinth Alia ya yi martani kan rade-radin nuna wariya a Majalisar jihar.

Hyacinth Alia ya musanta rahoton da ke cewa yana wariya ga 'yan Majalisar dokoki da ake zargin masu biyayya ga Sakataren Gwamnatin Tarayya, Sanata George Akume.

Ana zargin Gwamna da kuntatawa yan Majalisu

Gwamnan ya bayyana hakan ta bakin hadiminsa, Solomon Iorpev yayin da yake mayar da martani kan rahoton, cewar Tribune.

Kara karanta wannan

Gwamna zai tura mata 1,000 karatu fannin lafiya, zai raba kwamfutoci miliyan 1

Martanin na zuwa ne bayan rahoton wata kungiya mai suna ‘Alliance for Good Governance’.

Kungiyar ta zargi gwamnan da hana wasu ‘yan Majalisar kudin tallafin mazabunsu da kuma motocin aiki.

Gwamnatin Benue ta mayar da martani kan jita-jitar

A cewar Iorpev, gwamnan da ‘yan Majalisar sun cimma matsaya kan wasu matsaloli da suka shafi sayen motocin aiki da batutuwan da ke damun mambobinsu.

Iorpev ya ce sabanin ikirarin kungiyar, gwamnan na tafiya tare da dukkan mambobin Majalisar dokoki ta jihar.

“Idan wani abu yana faruwa akwai dalili, kuma na tabbata ‘yan Majalisar ma sun fahimci hakan, wanda ya sa babu wanda ya nuna rashin jin dadi."

“Domin haka, idan wani daga waje ke magana me yasa suke kuka fiye da wadanda abin ya shafa?, Gwamnan da ‘yan Majalisar sun cimma matsaya.”

- Solomon Iorpev

Dan Majalisa ya goyi bayan kudirin haraji

Kun ji cewa dan Majalisar Tarayya daga yankin Arewacin Najeriya ya yabawa Bola Tinubu kan sabon kudirin haraji da ke gaban Majalisa.

Kara karanta wannan

Ana rigimar haraji, Tinubu ya nada mukaddashin Akanta Janar na Gwamnatin Tarayya

Hon. Philip Agbese daga jihar Benue ya ce yan Najeriya za su yabawa Tinubu daga baya kan wannan kokarin da yake yi.

Agbese ya kuma yabawa hukumar tattara haraji ta FIRS kan irin sababbin dabarun samun kuɗi da take kawowa a kasar.

Asali: Legit.ng