Bayan Hana Ganduje, Zababben Gwamnan Ondo Ya Gabatar da Shaidar Cin Zaɓe ga Tinubu
- Gwamnan Ondo, Lucky Aiyedatiwa da mataimakinsa sun gabatar da satifiket na cin zaɓe ga shugaban kasa, Bola Ahmed Tinubu
- Hadimin shugaban ƙasa, Bayo Onanuga ne ya tabbatar da haka a wata sanarwa da ya fitar ranar Talata, 26 ga watan Nuwamba, 2024
- Shugaban APC na ƙasa, Dr. Abdullahi Ganduje da gwamnan Ekiti ne suka raka zaɓaɓɓen gwamnan da mataimakinsa zuwa Aso Villa
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Ahmad Yusuf, kwararren edita ne a Legit Hausa da ya shafe tsawon shekaru yana kawo muku rahotannin siyasa, nishadi da al'amuran yau da kullum
Abuja - Zaɓaɓɓen gwamnan jihar Ondo, Lucjy Aiyedatiwa da mataimakinsa, Olayide Adelami sun ziyarci Bola Ahmed Tinubu a fadarsa da ke Abuja.
Gwamna Aiyedatiwa da mataimakinsa sun nunawa shugaba Tinubu takardar shaidar lashe zaben Ondo wanda aka yi ranar 16 ga watan Nuwamba.
Asali: Twitter
Shugaban APC na ƙasa, Dr. Abdullahi Umar Ganduje da gwamnan Ekiti, Biodun Oyebanji sun shaida lokacin da zaɓaɓɓun suka gabatar da satifiket ga Tinubu.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Mai ba shugaban ƙasa shawara kan harkokin yaɗa labarai da dabaru, Bayo Onanuga ne ya tabbatar da hakan a wata sanarwa da ya wallafa a shafin X.
Yadda INEC ta ba gwamnan Ondo shaidar cin zaɓe
A makon da ya gabata ne hukumar zabe mai zaman kanta watau INEC ta gabatar da takardar shaidar cin zabe ga Aiyedatiwa da mataimakinsa.
Taron wanda ya gudana a hedikwatar INEC da ke Abuja ya samu halartar zaɓaɓɓen gwamnan Ondo wanda kuma shi ne gwamna mai ci da mataimakinsa.
Haka zalika an ga shugaban jam'iyya mai ci na kasa, Abdullahi Ganduje da wasu kusoshin APC.
Gwamnan Ondo ya nunawa Bola Tinubu satifiket
A sanarwar da Onanuga ya fitar jiya Talata, ya ce Gwamna Aiyedatiwa da mataimakinsa sun gabatar da satifiket ɗin cin zaɓe ga shugaban ƙasa.
"Zababben gwamnan Ondo, Lucky Aiyedatiwa da mataimakinsa Olayide Adelami sun gabatar takardar shaidar cin zaɓe ga shugaban kasa Bola Ahmed Tinubu, a Aso Villa ranar Talata.
"Shugaban jam’iyyar APC na kasa, Abdullahi Ganduje da gwamnan Ekiti, Biodun Oyebanji sun shaida gabatar da takardar a Abuja"
- Bayo Onanuga.
Gwamnan Ondo ya hana Ganduje taɓa shaidar zabe?
A wani rahoton, kun ji cewa Gwamna Lucky Aiyedatiwa ya kare kansa kan rashin gabatar da shaidar lashe zaɓe ga shugaban APC na ƙasa, Abdullahi Ganduje.
An ruwaito cewa gwamnan bai bari Ganduje ya rike takardar shaidar lashe zaɓen da INEC ta ba shi ba a lokacin da ya ziyarci hedkwatar APC.
Muhammad Malumfashi, babban edita a sashen Hausa na Legit ya duba labarin.
Asali: Legit.ng
