Kwanaki 9 Kafin Zaɓe, Kotu Ta Raba Gardama kan Sahihancin Dan Takarar NNPP

• Yayin da ake shari'a game da sahihancin dan takarar gwamnan Ondo a NNPP, kotu ta raba gardama kan lamarin
• Kotun ta yi fatali da masu kalubalantar takarar Olugbenga Edema kan zargin cewa ba dan jam'iyya ba ne tun farko
• Wannan na zuwa ne yayin da ake ta shirye-shiryen gudanar da zaben gwamna a Ondo a ranar 16 ga watan Nuwamba

Abdullahi Abubakar, Editan Legit Hausa ne ta bangaren siyasa, kasuwanci da al'amuran yau da kullum, ya na da gogewar aikin jarida sama da shekaru uku.

Jihar Ondo - Babbar Kotun jihar Ondo ta yi hukunci kan sahihancin dan takarar gwamna a jam'iyyar NNPP.

Kotun ta yi fatali da korafe-korafen da aka shigar kan takarar Olugbenga Edema ana daf da gudanar da zaɓen gwamnan.

'Dan takarar NNPP ya yi nasara a kotu

Kara karanta wannan

Lalacewar tashar wutar lantarki: Ƴan Najeriya sun fusata, sun kira Tinubu

Punch ta ce yayin hukuncin, an tabbatar da sahihancin takarar Edema a zaben gwamnam jihar Ondo.

Hakan ya biyo bayan shigar da korafi inda ake kalubalantar kasancewar Edema dan jam'iyyar NNPP.

Wanda ya yi takara a zaɓen fitar da gwani, Michael Akintan da Mrs Femi Fasua su suke ja da takarar Edema.

Suna korafi kan sahihancin Edema da kuma kasancewarsa asalin dan jam'iyyar a zaben ranar 16 ga watan Nuwambar 2024.

Edema ya kalubalanci korafi kan takararsa a Ondo

Har ila yau, Edema da mataimakinsa a zaben, Rotimi Adeyemi sun bukaci kotu ta yi farali da korafe-korafen da aka shigar kansu.

Sun shigar da korafi ne ta bakin lauyansu, Rotimi Olunfemi inda ya ce ya kamata a shigar da korafin ne a gaban Babbar Kotun Tarayya, cewar The Guardian.

A martaninsa, Edema ya ce hukuncin ya tabbatar da ko shi cikakken dan jam'iyyar NNPP ne ko kuma sabanin haka.

Kara karanta wannan

NNPP a Kano: Kusoshin jam'iyya sun fara nuna shakku kan shugabancin Kwankwaso

Jigon APC ya sami takara a NNPP

A baya, kun ji cewa Barista Olugbenga Edema ya zama ɗan takarar gwamnan jihar Ondo a inuwar NNPP bayan ya baro jam'iyyar APC.

Tsohon jigon jam'iyya mai mulki ya ce ya shirya sauke Gwamna Lucky Aiyedatiwa daga mulki a zaɓen watan Nuwamba, 2024.

NNPP ta ba Edema tikitin takara ne bayan tsohon ɗan takararta, Oluwatosin ya janye daga takara bisa ra'ayin kansa da kishin jam'iyya.

Muhammad Malumfashi, babban edita a sashen Hausa na Legit ya duba labarin.

Asali: Legit.ng