2027: Bayan Hukuncin Kotu, Jam'iyyar LP Ta Fadi Ainihin Wanda Take Yi wa Aiki
- Jam'iyyar LP mai adawa a Najeriya ta musanta rade-radin cewa tana yi wa APC mai mulki aiki a boye ne
- Jam'iyyar ta caccaki tsohon kusa a LP, Kenneth Okonkwo da shugaban NLC, Joe Ajaero kan yada karairayi
- Hakan ya biyo bayan yada jita-jitar cewa shugaban jam'iyyar LP, Julius Abure na taimakawa APC kan zaben 2027
- LP ta Peter Obi ya fito da ita a zaben da ya gabata, ta jaddada cewa ita jam'iyya ce mai zaman kanta ba kowa ba
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Abdullahi Abubakar, Editan Legit Hausa ne ta bangaren siyasa, kasuwanci da al'amuran yau da kullum, ya na da gogewar aikin jarida sama da shekaru uku.
FCT, Abuja - Jam'iyyar LP ta yi martani kan zargin da ake yi mata da cewa tana yi wa APC mai-ci aiki.
Kara karanta wannan
"Na cancanta," Sanatan APC ya bayyana shirinsa na neman zama shugaban ƙasa a 2027
Jam'iyyar LP ta musanta rade-radin da ake yadawa, ta ce ana neman bata martabarta ne kawai.
Asali: Facebook
Jam'iyyar LP ta caccaki shugaban NLC
Wannan na kunshe ne a cikin wata sanarwa da LP ta wallafa a shafinta na X a yau Juma'a 18 ga watan Oktoban 2024.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Jam'iyyar ta caccaki tsohon jigonta, Kenneth Okonkwo da shugaban NLC, Joe Ajaero kan yada jita-jitar taimakawa APC.
Har ila yau, jam'iyyar LP ta ce babu kamshin gaskiya kan zargin shugabanta, Julius Abure da alaka da jam'iyyar APC.
LP ta nisanta kanta da batun yi wa APC aiki
"Ya zama dole jam'iyyar LP ta yi martani kan zargin da ake yadawa domin batawa shugabanninta suna."
"Bayan samun nasara a kotu, Kenneth Okonkwo da shugaban NLC suna zargin LP na yi wa APC aiki shiyasa take samun nasara."
"Wannan rade-radin da ake yadawa karya ne kuma babu kamshin gaskiya kan lamarin, ana yi ne domin bata mata suka, LP jam'iyya ce mai zaman kanta."
- Jam'iyyar LP
Kotu ta yi hukunci kan shugabancin LP
Kun ji cewa Babbar kotun tarayya da ake zamanta a birnin Abuja ta yi hukunci kan taƙaddamar shugabanci da ta dabaibaye jam'iyyar LP.
Alƙalin kotun ya tabbatar da Barista Julius Abure a matsayin shugaban jam'iyyar na ƙasa a hukuncin da ya yi a ranar Talata, 8 ga watan Oktoban 2024.
Mai shari'a Emeka Nwite ya umarci hukumar zaɓe mai zaman kanta ta ƙasa (INEC) da ta amince da Abure a matsayin halastaccen shugaban LP.
Muhammad Malumfashi, babban edita a sashen Hausa na Legit ya duba labarin.
Asali: Legit.ng
