"Ba Mu Yarda ba," Shugaban PDP na Ƙasa Ya Faɗi Matakin da Za Su Ɗauka kan Zaɓen Edo
- Jam'iyyar PDP ta ƙasa ta bayyana matsayarta game da nasarar da APC ta samu a zaɓen gwamnan jihar Edo da aka yi ranar Asabar
- Muƙaddashin shugaban PDP na ƙasa, Umar Damagum ya yi fatali da sakamakon da INEC ta sanar, ya ce Ighodalo ne sahihin wanda ya ci zaɓe
- Damagum ya ce jam'iyyar za ta garzaya gaban alƙali domin ƙwato haƙƙinta da aka ƙwace, inda ya ƙara da cewa daman sun yi tunanin haka za ta faru
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Ahmad Yusuf, kwararren edita ne a Legit Hausa da ya shafe tsawon shekaru yana kawo muku rahotannin siyasa, nishadi da al'amuran yau da kullum
FCT Abuja - Jam'iyyar PDP ta yi fatali da sakamakon zaben gwamnan jihar Edo wanda hukumar zaɓe mai zaman kanta (INEC) ta sanar.
Jam'iyyar PDP ta ƙasa ta ce ba ta yarda da sakamakon zaben da INEC ta sanar ba bayan kammala tattara alƙaluman ƙuri'un da aka kaɗa ranar Asabar da ta gabata.
Kara karanta wannan
Zaben Edo: Manyan jiga jigai 5 da suka yaƙi gwamna, suka kayar da ɗan takarar PDP
Asali: Twitter
Muƙaddashin shugaban PDP na ƙasa, Ambasada Umar Damagum ne ya bayyana hakan a wani taron manema labarai da ya yi a Abuja yau Litinin, Vanguard ta rahoto.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Damagum ya ƙara da cewa al'ummar jihar Edo sun fito kwansu da ƙwarƙwata sun zaɓi ɗan takarar PDP,Dr. Asue Ighodalo kuma shi suke son su ji an sanar ya ci zaɓe.
Ya buƙaci hukumar INEC ta yi amfani da sauran lokacin da ya rage mata bisa tanadin dokar zaɓe wajen gyara kura-kuran da ta tafka.
A cewar Damagum, tun farko PDP ta ja hankalin ƴan Najeriya da sauran masu ruwa da tsaki kan shirin APC na maguɗin zaben ranar Asabar.
Umar Damagum ya ce dama PDP ta yi zargin APC ta haɗa kai da INEC da mataimakin sufetan ƴan sanda domin ƙwace Edo da ƙarfi da yaji.
Ku saurari ƙarin bayani...
Asali: Legit.ng
