PDP Ta Fadi Musabbabin Rashin Yin Zanga Zanga a Zamfara, Ta Jero Dalilai
- Yayin da ake cigaba da zanga-zanga a Najeriya, jam'iyyar PDP a jihar Zamfara ta yabawa Gwamna Dauda Lawal kan shugabanci
- Jam'iyyar ta ce salon mulkin Lawal Dare shi ne musabbabin rashin gudanar da zanga-zanga da aka yi a sauran jihohi
- Shugaban riko na jam'iyyar a jihar, Mukhtar Lugga shi ya tabbatar da haka inda ya ce 'yan Zamfara suna cikin farin ciki
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Abdullahi Abubakar, Editan Legit Hausa ne ta bangaren siyasa, kasuwanci da al'amuran yau da kullum, ya na da gogewar aikin jarida sama da shekaru uku.
Jihar Zamfara - Jam'iyyar PDP a jihar Zamfara ta bayyana dalilin da ya hana gudanar da zanga-zanga da ake gudanarwa.
PDP ta ce zanga-zangar ba ta samu damar isa jihar ba da ke Arewa maso Yammacin kasar saboda shugabanci nagari.
Asali: Facebook
Zamfara: PDP ta fadi dalilin kin hawa tituna
Mukaddashin shugaban jam'iyyar, Mukhtar Lugga shi ya bayyana haka a jiya Juma'a 2 ga watan Agustan 2024, cewar Punch.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Mukhtar ya ce irin salon shugabancin Gwamna Dauda Lawal shi ne musabbabin rashin gudanar da zanga-zangar a jihar.
Ya ce 'yan jihar Zamfara suna murna da salon shugabancin Dauda Lawal inda ya ce an cimma abubuwan cigaba da dama, Tribune ta tattaro.
Zamfara: PDP ta yabawa mulkin Dauda Lawal
"Mazauna jihar Zamfara suna cikin farin ciki da murna kan salon shugabanci a jihar da abubuwan da aka samu na cigaba."
"Gwamnati ta samar da wasu tsare-tsare da kuma shirye-shirye masu muhimmanci da za su taimaki al'ummar jihar."
"Gwamnan ya sanya dokar ta baci a bangaren ilimi da kuma lafiya wanda ya yi matukar tasiri wurin sauya al'amura."
- Mukhtar Lugga
Sanata ta musanta hannu a zanga-zanga
A wani labarin, kun ji cewa Sanata Ireti Kingibe ta yi martani bayan zarginta da hannu a cikin zanga-zangar da ake yi a Najeriya.
Sanata Kingibe ta musanta labarin inda ta ce wani tsohon bidiyo ne ake yadawa da ya kai kimanin makwanni shida da daukarsa.
Wannan na zuwa ne bayan Ministan Abuja, Nyesom Wike ya ce jami'an tsaro sun gano Sanata da ke daukar nauyin zanga-zanga.
Asali: Legit.ng
