Sauya Sheka: Cikakken Jerin Sunayen Sanatocin Labour Party da Suka Rage a Majalisar Dattawa

Abuja - A tarihi, ana ganin cewa jam’iyyar Labour (LP) ta sha fafutukar kwatar kanta daga rinjayen jam’iyyu masu karfi irin APC da PDP a siyasar Najeriya.

Sani Hamza, kwararren edita ne a fannin nishadi, al'amuran yau da kullum da kuma siyasa. Sani yana da shekaru sama da biyar a aikin jarida

Sai dai LP ta samu gagarumin ci gaba a Mayun 2022 lokacin da tsohon gwamnan Anambra Peter Obi ya shige ta, inda ya jawo dumbin magoya baya musamman matasa.

Tasirin Peter Obi ya taimaka wajen karawa jam’iyyar dama a siyasar Najeriya. Yanzu dai Labour tana da sanatoci biyar a zauren majalisar dokokin kasar.

Jam'iyyar Labour Party ta gamu da cikas

Duk da wannan ci gaban, jam’iyyar ta samu koma baya a jiya Talata bayan da Sanata Ezenwa Onyewuchi ya sauya sheka zuwa APC, inda ya bar Labour da sanatoci biyar.

Kara karanta wannan

Amaechi: Tsohon gwamna ya tattara kayansa ya fice daga APC? Jam'iyyar ta magantu

Mun ruwaito cewa an sanar da ficewar Onyewuchi a majalisar dattawa, inda sajan din majalisar dattawa ya umarce shi da ya hau sabuwar kujera a cikin ‘yan majalisar masu rinjaye.

Ga jerin sanatocin jam’iyyar Labour a kasa:

Okechukwu Ezea – Mazabar Enugu ta Arewa

An haifi Okechukwu Ezra a jihar Enug ga Theresa da James Ezea. Ya yi karatun firamare da sakandare a Makarantar Al'umma da ke Umachi, da kuma Nsukka.

Ezra ya yi karatu mai zurfi a jami’ar Najeriya da ke Nsukka, inda ya kammala digirinsa na biyu a fannin kimiyyar siyasa a shekarar 1986. Ya kuma samu digiri na LL.B da LL.M a fannin shari’a a Jami’ar Legas, Akoka.

Ireti Kingibe – Sanatar birnin Abuja

An haifi Ireti Heebah Kingibe a ranar 2 ga Yuni, 1954, a jihar Kano. Injiniya ce kuma ’yar siyasa da aka zabe ta matsayin sanatar Abuja a zaben 2023 karkashin jam’iyyar Labour.

Kara karanta wannan

Ganduje ya gurgunta shirin Obi, sanatan jam'iyyar Labour ya sauya sheka zuwa APC

Kingibe ta fito daga wani fitaccen gida, kasancewar kanwa ce ga Ajoke Muhammed, matar tsohon shugaban Najeriya Murtala Muhammed.

Neda Imasuen – Mazabar Edo ta Kudu

Neda Bernards Imasuen sanata daga Edo, wanda aka zaba a shekarar 2023 domin wakiltar mazabar Edo ta Kudu a majalisar dattawan kasar karkashin Labour.

Imasuen ya samu shaidar zama lauyan kotun koli ta Najeriya a shekarar 1985 sannan ya sami digiri na biyu a fannin harkokin gwamnati daga jami'ar Long Island a shekarar 2004.

Victor Umeh – Sanatan Anambra ta tsakiya

Victor C. Umeh dan siyasa ne wanda ya taba rike mukamin shugaban jam’iyyar APGA ta kasa, kuma a halin yanzu Sanata ne mai wakiltar Anambra ta tsakiya karkashin Labour.

An haifi Umeh a ranar 19 ga Yuli, 1962, a Aguluzigbo, karamar hukumar Anaocha ta Anambra, ga dangin Kirista. Ya samu nasarori a harkokin siyasa, inda ya rike mukamai daban-daban.

Kara karanta wannan

Shahararrun 'yan wasan Afrika: Abin da ya kamata ku sani game da Oshoala da Nkwocha

Tony Nwoye – Mazabar Anambra ta Arewa

Tony Okechukwu Nwoye shi ne sanatan Anambra ta Arewa a karkashin jam'iyyar Labour.

Kafin ya zama sanata, ya kasance dan takarar gwamna a jihar Anambra a karkashin jam'iyyar PDP a 2013 da kuma APC a 2017.

Peter Obi ya fadi sharuddan hadaka

A wani labarin, mun ruwaito cewa jagoran jam'iyyar Labour, Peter Obi ya bayyana wasu sharudda da za a cika idan ana so ya shiga hadakar jam'iyyun da za su yaki APC a 2027.

Peter Obi ya ce matuƙar aka samu daidaito kan yadda za a magance matsalolin Najeriya a tsakaninsu zai goyi bayan haɗakar.

Muhammad Malumfashi, babban edita a sashen Hausa na Legit ya duba labarin.

Asali: Legit.ng