Gwamnoni 3 Na Cikin Matsala, Ganduje Ya Jero Jihohin da APC Za Ta Ƙwace a 2027
- Shugaban APC na ƙasa ya tarbi tsohon shugaban majalisar dattawa, Anyim Pius Anyim wanda ya sauya sheka zuwa jam'iyya mai mulki
- Abdullahi Ganduje ya bayyana cewa jam'iyyar APC ta samu ƙwarin guiwar kwace mulkin jihohi uku a Kudu maso Gabas a zaɓen 2027
- Mataimakin shugaban APC na shiyyar ya ce sun gama tattaunawa da ƴan majalisar tarayya hudu da za su sauya sheka a Enugu
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Ahmad Yusuf, kwararren edita ne a Legit Hausa da ya shafe tsawon shekaru yana kawo muku rahotannin siyasa, nishadi da al'amuran yau da kullum
Ebonyi - Shugaban APC na ƙasa Abdullahi Umar Ganduje ya bayyana cewa jam'iyyar ta samu ƙofar da za ta kwace mulkin wasu jihohi a Kudu maso gabashin Najeriya.
Ganduje ya ce sauya sheƙar tsohon shugaban majalisar dattawa, Anyim Pius Anyim zuwa APC wata alama ce da ke nuna yadda wasu jihohi za su bar tsagin adawa.
![](https://cdn.legit.ng/images/360x203/cd031e1b9695f0b1.jpeg?v=1)
Kara karanta wannan
Bola Tinubu ya shiga taron FEC a Aso Rock, an yi shirun minti 1 saboda mutuwar Jigo
![Shugaban APC na kasa. Abdullahi Ganduje. Shugaban APC na kasa. Abdullahi Ganduje.](https://cdn.legit.ng/images/1120/2023b52598e74d2f.jpeg?v=1)
Asali: Facebook
A cewarsa, Sanata Anyim babban jigo ne ba a jihar Ebonyi kaɗai ba, yana da tasiri a ƙasa baki ɗaya, kamar yadda Tribune Online ta ruwaito.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Ganduje ya bayyana haka ne a Abakaliki a taron masu ruwa da tsakin APC na Kudu maso Gabas wanda ya samu halartar jiga-jigan jam’iyya mai mulki.
APC ta kudiri aniyar karɓe jihohi 3
A jawabinsa, shugaban jam'iyya mai mulki ya ce ya zama wajibi su haɗa kai wuri ɗaya domin samun nasara a zaɓen jihohin Abia, Anambra da Enugu.
"Jihohin Anambra, Abia da Enugu sun zame mana barazana amma na ji daɗin yadda a yanzu muka shirya kuma mun kudiri aniyar kwato waɗannan jihohi," in ji Ganduje.
'Yan majalisa 4 za su koma APC
A nasa jawabin, mataimakin shugaban APC na kasa, Ijeoma Arodiogu, ya sha alwashin cewa jam'iyyarsu za ta kwace jihohin Abia da Enugu a zaben 2027.
Ya kuma bayyana cewa APC ta kammala tattaunawa da ‘yan majalisar wakilai hudu na Labour Party a jihar Enugu kuma sun amince za su canza sheka.
Arodiogu ya kuma ce jam’iyyar ta karbi manyan jiga-jigan adawa a jihar Abia ciki har da tsohon kakakin majalisar dokokin jihar, Chinedu Orji, Leadership ta ruwaito.
APC ta rasa babban jigo a Kano
A wani rahoton kun ji cewa yayin da ake ci gaba da taƙaddama kan sarautar Kano, jam'iyyar APC ta rasa ɗaya daga cikin manyan jiga-jiganta ranar Jumu'a.
Sanata Masud Doguwa ya jagoranci ɗumbin magoya bayansa daga APC sun koma PDP, ya ce gwamnatin Tinubu ba ta da alƙibla.
Muhammad Malumfashi, babban edita a sashen Hausa na Legit ya duba labarin.
Asali: Legit.ng