Delta: An Sanar da Zaben Kananan Hukumomi, Ƴan Adawa Sun Lashe Kujera
- Hukumar zabe a jihar Delta ta sanar da sakamakon zaben kananan hukumomi 25 da aka gudanar a jiya Asabar
- Hukumar ta tabbatar da cewa jami'yyar PDP ta lashe duka zaben da aka gudanar a ƙananan hukumomi 25 a jiya Asabar 13 ga watan Yulin 2024
- A zaben kansiloli kuma, PDP tayi nasara a unguwanni 499 yayin da jam'iyyar APM ta samu kujera daya ta kansila
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Abdullahi Abubakar, Editan Legit Hausa ne a bangaren siyasa, kasuwanci da al'amuran yau da kullum ne, ya na da gogewar aikin jarida sama da shekaru uku.
Jihar Delta - Hukumar zabe a jihar Delta ta sanar da sakamakon zaben kananan hukumomi da aka gudanar.
Hukumar ta ce jam'iyyar PDP ta lashe dukkan kujerun shugabannin kananan hukumomi 25 a zaben.
Asali: Facebook
Delta: PDP ta lashe zaben kananan hukumomi
Shugaban Hukumar zabe a jihar Delta, Jerry Agbaike shi ya tabbatar da haka a yau a Lahadi 14 ga watan Yulin 2024, cewar Channels TV.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Jerry ya ce daga cikin ƴan takarar akwai wanda ba shi da abokin hamayya a zaben da aka gudanar a jiya Asabar 13 ga watan Yulin 2024, Punch ta tattaro.
Hukumar ta ce ba a gudanar da zabe a karamar hukumar Udu ba saboda dan takarar jam’iyyar PDP, Vincent Oyibode ba shi da abokin hamayya.
Jam'iyyar APM ta samu kujerar kansila 1
A zaben kansiloli kuwa, PDP ta lashe unguwanni 499 da aka yi zabe yayin da jam'iyyar APM ta lashe kujerar kansila daya.
Jam'iyyar APM ta yi nasara ne a wata unguwa da ke karamar hukumar Oshimili ta Arewa da ke jihar.
Gwamna Sheriff Oborevwori zai rantsar da shugabannin kananan hukumomi 25 din a gobe Litinin 15 ga watan Yulin 2024.
An sanar da sakamakon zabe a Adamawa
Kun ji cewa jam'iyyar PDP ta lashe duka zabukan da aka gudanar na kananan hukumomi 21 a jihar Adamawa.
Hukumar zabe a jihar ita ta tabbatar da haka inda ta ce an kuma gudanar da zabukan kansiloli a jihar a jiya Asabar 13 ga watan Yulin 2024
Jam'iyyar NNPP mai adawa a jihar ta yi nasarar lashe kujerar kansila daya a karamar hukumar Demsa da ke jihar.
Asali: Legit.ng
