Sabon Mataimakin Gwamnan Kogi Ya Durkusa a Gaban Yahaya Bello Bayan Rantsar da Shi, Bidiyon Ya Yadu

• Gwamna Usman Ododo ya kama aiki a matsayin sabon jagora a jihar Kogi, wanda hakan ya kawo karshen mulkin Yahaya Bello na shekaru takwas
• Gwamna Bello ya mika mulki ga Ododo a wani biki da aka gudanar a filin wasa na Muhammadu Buhari, da ke Lokoja a ranar Asabar, 27 ga watan Janairu
• Sai dai kuma, mataimakin Odod, Salifu Oyibo, ya dauka hankalin mutane da dama a soshiyal midiya bayan ya durkusa a gaban magabacinsa, bayan ya dauki rantsuwar aiki

Aisha Musa ta shafe tsawon shekaru tana kawo labaran Hausa a bangaren siyasa, tsegumi da al’amuran yau da kullum

Lokoja, Jihar Kogi - Salifu Oyibo, sabon mataimakin gwamnan jihar Kogi, ya dauki rantsuwar kama aiki a ranar Asabar, 27 ga watan Janairu.

Jim kadan bayan rantsar da shi, an gano Oyibo a cikin wani bidiyo durkushe a gaban tsohon gwamnan jihar, Yahaya Bello, yana mai nuna masa girmamawa.

Kara karanta wannan

Daga karbar rantsiwar aiki, sabon gwamnan Kogi ya nada mambobin majalisarsa

An rantsar da mataimakin gwamnan ne kafin sabon gwamna, Usman Ododo, rahoton Punch.

Yan Najeriya sun yi martani kan bidiyonm

Kamar kullun, yan Najeriya sun garzaya sashin sharhi a dandalin X don martani a kan ci gaban. Legit Hausa ta tattaro wasu martani a kasa:

@Diddy_jeff8931 ya yi martani:

"Duk mun sani a Kogi cewa wannan wa'adin mulkin Yahaya Bello na uku ne."

@Desdolaa ya rubuta:

"Hatta ga zababben gwamnan ma abun da ya aikata kenan."

@Chakkk4 ta yi martani:

"Fada zai fara kwanan nan."

@King_mekus ya yi martani:

"Kogi ta shiga gagarumar matsala."

Kalli bidiyon mataimakin gwamnan duke a gaban Yahaya Bello a kasa:

Sabon gwamnan Kogi ya yi nade-nade

A wani labarin kuma, mun ji cewa a wani lamari da ba a taba ganin irinsa ba, sabon gwamnan jihar Kogi da aka rantsar, Ahmed Usman Ododo, ya zabi yan majalisarsa da wasu manyan mukamai a ranar farko da ya hau mulki.

Kara karanta wannan

Yadda Gwamna ya bar aikin gabansa, ya shilla kasar waje aka cashe na kwanaki

Ododo, wanda aka rantsar a matsayin gwamnan jihar Kogi na biyar a ranar Asabar, 27 ga watan Janairu, ya gabatar da sunayen wasu kwamishinoninsa, rahoton Leadership.

Sabon gwamnan ya kuma ce za a mika sunayensu gaban majalisar jihar domin ta gaggauta tabbatar da su a matsayin mambobin majalisar zartarwa a yayin jawabinsa na karbar rantsuwa.

Asali: Legit.ng